التجمع الرابع عشر لحوامل مواليد ينـ 1 ـاير & فبـ 2 ـراير لعام 2021 م

سولفوا اليوم النفسيه تعبانه 🤢💔
افتحوا موضوع نناقشه ونوسع صدورنا😂🤓

سالتها امس قلت ليش مااحس بالحركه وبالسونار ماشاءالله حركه شي مو طبيعي 😨
قالت لان فيه مسافه بينه وبين الكيس لسى ماكبر ووصل لاطراف الكيس عشان كذا ماتحسين
تقول اذا وصلت اطرافه للكيس خلاص تحسين الرفس اوول شي
وبعدين يكبر شوي تحسين جسمه وهو يتحرك اكثر

الحين هه هه هه كأني من يومين ثلاث بدات احس برفس بسيط ي دووب حاجه بسيييطه ومرات معدوده مرررا قليل بس متاكده انه منه مو من شي ثاني لانه جديده اول مررا احس فيها

خلاص باذن الله من بداية ١٣ بيبدا يخف عليك الاعراض كلها
واول شي بتحسين بنشاط زياده غير عن اول 😃
الحمدلله الحمدلله احس اني كنت بحلم وصحيت منه

اخيرا خلصت قراءة كل التجمعات اللي فاتتني والله اني اضحك على سوالفكم وتخفف علي الوحم اللي ذابحني
والله اني مت ضحك يوم طفله تروح المراجيح وولدها يقول لها بنجيبك مره ثانيه 😂😂😂😂
سبحان الله اغلبنا عيالنا رايحين اولى ابتدائي ومبتلشين بعمرنا

انا بنات كنت مو رايحه الى دكتورتي اللي اتابع عندها في حملي قبل على اساس اني بروح لها على الرابع وبواصل معاها طبعاً مستحيل اغيرها
عاد انا رحت الى وحده قريبه من البيت وهي معروفه شاطره بس مجرد اطمئنان لحد ماروح عند دكتورتي قالت لي عندك تقلصات واضحه في السونار وفعلا ورتني اياها وقالت احتمال التهاب روحي على مستشفى يعملوا لك مزرعة بول ويكشفون عن الألتهابات لانها تسبب تقلصات وولاده مبكره او لا سمح الله اجهاض عاد انا وسوست ويوم ثاني طيران على دكتورتي الاصليه اللي اتابع معاها دايم على حملي قبل وحكيت لها اللي قالته لي الدكتوره وكشفت سونار قالت مو باينه اي تقلصات ورفضت تسوي لي مسحه بس انا اصريت واخذت مني تحليل ابوال اكرمكم الله ودم وقالت اكلمها بعد ٤ ايام حق النتيجه وانا للحين اقول ليتها اخذت مسحه لان احيانا تجيني افرازات من قبل الحمل مالها لون بس لها ريحه خفيفه انتوا ايش رايكم ؟
وعطتني موعد بعد شهر وصرفت لي فيتامينات بريجنا كير مين جربها قبل ؟
تكلمت واجد 🙊

لي يومين مو تمام نفسيتي مو مرتاحه ابدا
ولا احس بشي من الحمل كاني مو حامل الا الم بالرجل وشوي ثقل بس
المهم خفت وسوست ورحت طيران ع دكتورتي وبدت لها ع البرود اللي فيني والوسوسه المهم سوت لي سونار واول م سمعت النبض ارتاح قلبي الحمدلله مع اني كنت متحمسه من الاسبوع ١٣ ع الجنس بس احس الحماس راح اللحين بالاسبوع ١٦ لي يومين
وشافت كل اموري قالت المويه ناقصه شوي لازم اشرب زمزم واسبيرين
وبشرتني بجنسه💙 الله يجيبه لي بالسلامه ويقر عيني بصحه وسلامه
فيه ياحي ياقيوم وعقبالكم باللي تتمنون وبصحتهم وعافيتهم