الامهات تعالو و الي عنده حل

السلام عليكم بدخل بمشكلتي علطول انا طالبة في السنه الاخيره من الجامعة تصرف لي مكافاه لاكن مشكلتي ان امي تاخذها كامله و احيانا تترك لي ربعها و ما اقول لها شي لكن في مره ما كان عندي فلوس اشتري كتب للدراسة ف قلت لها اتركي لي نصها ٤٠٠ ريال يعني عصبت علي و ما تركت غير ربعها كالعاده و بعد كذا ماعاد طلبتها فلوس بعد فترة سمعتها تحشني عند قرايبنا تقول بنتي هذي لما جيت اخذ فلوسها ولولت تقول احتاجها يمه و مدري ايش، و ضحكت الناس علي و طلعتني بمنظر البخيله مع ان كل هالسنين بطاقتي معها تتصرف فيها
و فوق كل هذا تقصر مره بمصروفاتي دولابي فيه فستان واحد اشتريته قبل ٥ سنين و عدته بكل المناسبات و عبايتي البسها سنتين بدون تبديل و ملابس ما اشتري الا قطعتين كل سنة و الله شاهد على ما اقول رغم انها موظفة و راتبها ١٥ الف و عندها مشاريع خاصة فيها و مشاريع سلمها ابوي ارباحها عشان تصرف علينا لاكن كل اللي اشوفه انها تدلع نفسها و كل يوم رايحه السوق او طالبه شي ما تخلي بخاطرها شي و انا تتمنن علي كثير لو اشتريت حلق او قلادة
و الي يقهر اكثر انها تصرف بكثرة على اخواني العيال الي اصغر مني تحب ملبسهم يكون حلو و دايم معهم مصروف بشكل يومي تعطيهم مبلغ و انا تحرص ما يكون معي فلوس و ارجح انها قلة ثقة
الامهات كونو صريحات انتو تاخذون من بناتكم فلوسهم او لا ؟ و اذا ايه ليه ؟