الحقن المجهري والتكيس ارجوكم ساعدوني

السلام عليكم ورحمة الله وبركاته......
انا عمري تقريباً ٢٤ سنه وزني ٦٢ وطولي ١٦٥ صار لي ٦ سنين متزوجه ولم يحدث حمل من السنه الثانيه رحت عند الدكتوره وقالت انه عندي تكيس وبديت مشوار التنشيط كل مره كان يصير فيها التبويض كويس ولله الحمد ولكن لا يحدث حمل حتى ان في بعض المرات يصير في فرط تنشيط ٥ بويضات واكثر وكنت اشعر بألم فضيع ولكن لم يحدث حمل ولله الحمدللعلم زوجي فحص اكثر من مره وطلع سليم ولله الحمد
انقطعت فتره عن منتجات الالبان والدجاج والبيض والنشويات والزيوت والسكر ومارست الرياضه بشكل يومي ولكن بعد فتره مليت ور جعت الى ماكنت عليه للعلم لا يوجد عندي اي اعراض تكيس كشعر زايد او انقطاع دوره ولكن عندي تساقط في الشعر وخاصه من مقدمة الرأس وتأخر حمل
بعد بحث كثييير في النت وتجربة كثير من الدكاتره قررت اني اعمل حقن مجهري
انا عايشه في الرياض حالياً كنت اراجع عند د. ساتيا ولكن لم استفيد شي بلأضافه الى الزحمه ومواعيدها السيئه
صار لي تقريباً ٦ أشهر اخذ كلجوفاج قوة ٢٠٠٠ في اليوم وحمض الفوليك واسبرين بعض الاحيان استمر ع البردقوش وبعض الاحيان اقطع وزني غير زايد لكن اذا الحقن المجهري افضل لو نحفت اقدر انحف ماعندي مشكله
اريد منكم ترشحو لي دكتور او دكتوره ممتاز للحقن المجهري سمعت من الانترنت عن د. بندر عبد الكريم في سليمان الحبيب هل في احد منكم تابعت عنده او عملت حقن مجهري او اذا يوجد افضل منه لاتبخلو علي
حابه اعرف من الي سبق لهم تجربت الحقن المجهري 👇
في اي وقت من الدوره رحتي الي الدكتور؟


كم كان وزنك وعمرك؟


عند اي دكتور وهل نجحت او فشلت؟


وماهي المشكله الي كانت عندك او عند زوجك؟
واخيراً كم كانت التكلفه الكااامله من التحاليل الى العمليه؟


ولكم مني جزيل الشكر اسأل الله الي بتساعدني ان يرزقها ربي من واسع رزقه ويسعدها 🌸