ولدي البالغ من العمر سنتين وسبع اشهر توه بدا يتكلم كلامه وسواليفه الى الان غير مفهومه ماعدا بعض الكلمات مثل ماي اسيس(يعني عصير) حاييب (يعني حليب)وكم كلمه لكنه الى الان ماكون جمله من كلمتين مجرد كلمات..
الطفل اجتماعي اذا شاف اخوه يركض يركض وراه يحب المطارده ويقوم يضحك ولمن انشد له يطالع بوجهي وبدا يقلد حركات يدي بالانشوده ..يحب ابوه واخوانه الكبار ويلاحقهم..
بس اللي ذابحني انه مايلتفت لاسمه ولايعطيني وجه خصوصا لمن يكون مشغول بلعبه ولاغيره حاولت معه كثير مايتفت الا بحاله وحده اذا قلتله (بووو)يعني اني وحش وبلحقه ممكن يلتفت يظن اني بلعب معه..ولا يستجيب للاوامر مثلا لو اقوله جيب ماي او ارمي بالزباله وغيرها
فحصت سمعه وكان سليم اخذته اخصائيين نطق وقالوالي الولد بس محتاج جلسات نطق وتركيز (طبعا ومع ظروف الكورونا ماعاد وديته)سجلته برضو بحضانه لكن للاسف داوم شهر وجات الكورونا..
انا مانعته من طيور الجنه وغيرها لكن يحب مشاهدة الكرتون..
مدري اللي مع ولدي مشكله وتحتاج تدخل من اخصائيين نطق وتخاطب ولا هي مجرد (فهاوه)زي مانقولها بالعاميه ..
وطبعا كل مابحثت بالقوقل على طول يقولي انها من اعراض التوحد او سمات التوحد 😢
شاركي في النقاش
سجلي الدخول لإضافة تعليق.
التعليقات
9- بسم الله عليه
احس جدا طبيعي
واذا على قوقل يخلي الإنسان جنازة وهو حي
لا تقرين منه يخوف على خرابيط
اهم شي وديتيه للمستشفى وطمنوك الحمدلله يمكن عندكم تأخر النطق وراثة
الله يقر عينك بصلاحه - الافضل تقطعين عنه الاجهزه والتلفزيون نهائيا لين تحسينه انطلق بالكلام وكون لغته التلفزيون مايصلح للطفل الي عنده تأخر لغوي يزيد المشكله وشوفي السمع عنده لو عنده لحميه ومشاكل ممكن تأثر على سمعه وتسبب له اضطرابات
- تو سمعت معلومه مادري صحيحه او لا 🙄
الي هي شرب القهوه العربيه تحل عقدة اللسان عن الاطفال وتخليه فصيح
انا بنتي قد ولدك ودايم تتقهوا معي غصب عني طبعاً 😓
وماشاء الله نطقها تمام عجيز مصغره 😂😂
والقهوه مانصح فيها للاطفال لانها تسرع دقات القلب وتسبب اضطراب بالنوم ،.
بس غصب اذا شافتني اتقهوا تجلس جنبي وتمدلي فنجالها تقول دبيلي يعني صبيلي🤦🏻♀️
فا يوم سمعت هالمعلومه انها تخلي الطفل يتكلم بسرعه قلت ممكن هالمعومه صحيح لاني شفتها بالمدمنه الصغيره الي عندي 🙆🏻♀️😂 - بنت اخوي نفس المشكلة تماما ونفس العمر تقريبا بفرق انها لا تتكلم نهائيا... متابعة لموضوعك وارجو الافادة
- فعلا اعراضه اعراض طيف توحد
وترا التوحد ماتتشابه اي حاله مع الثانيه عشان كذا يسمونه طيف والطيف الوان فيه الوان واضحه والوان شبه شفافه مانشوفها نفس كذا اعراض التوحد فيه اطفال تكون علامات واضحه وفيه اطفال تكون غير مرئيه
خلي ولدك يشوفه دكتور متخصص بنفسية وسلوك الاطفال ولاتسمعين لأي وحده تقولك عادي ومافيه شي لان هذا العمر اهم مرحله بالعلاج بعدها راح يصعب الموضوع لاتتركينه انتبهي نصيحه من قلب
مواضيع مشابهة
تابعي تجارب أخرى من هذا القسم.