لكل المتألمات من العنوسه... الزواج سهل جدا نظرية تيرانا ....!

اوكي حبيبتي 🌹🌹🌹

مافتحت الروابط بس المقدمه مضحكه
ايش التهيؤ اللي انتي فيه 😂😂

رأيي الشخصي:
التعارف قبل الزواج أو المكالمات والرسائل بين الفتاة والرجال الأجانب عنها،امتهان لكرامتها كامرأة وذل لها.
لأنه بعد الزواج سيعيش الزوجان في مناخ من انعدام الثقة المتبادلة والغش والكذب يظهران العيوب التي يحاولان إخفاءها على بعضهما.
إذ كان كل واحد منهما يدعي المثالية ويلعب دورا تمثيليا:
الفتاة تلعب دور ليلى العامرية والرجل دور قيسها.
وبالمناسبة أنا من شمال إفريقيا ( المعروف بالاختلاط )😏.

طيب لو تطبقت نظريتك هل تتوقعين تتطبق مثلما انتي متخيله
طريقتك ترى تعتبر اختلاط وهذا محرم شرعآ تدرين ليش محرم الشرعآ لان الشرع عارف ان المسأله ماراح تتوقف على كذا بالعكس تجر الى امور غلط
مثلا لو تزوجتي جت وحده تعرفت على زوجك علاقة عمل عادي هو تعلق فيها ممكن وسحب عليك في هالحاله تلومينه او تلومينها؟
هذا من غير ان الواحده ممكن تعيش علاقات مرفوضه بحجة انه يحبها وبيتزوجها وراح يقنعها بسهولها دامها مادخلت هالمجال الا عشان تتزوج وموبضروره تصير علاقه يكفي تحبه وتتعلق فيه واخرتها يكسر قلبها ومالها حكم عليه ولا كلمه عليه ولاتقدر تلزمه بشي

عندي قناعه تامه ان الزواج رزق مقدر ومكتوب وكلن ياخذ نصيبه في وقته المحدد
حتى الطرق والوسائل والاجتهادات اللي الناس تركض وراها ماهي الا اسباب ظاهريه يهيئها الله ليتم امره المقدر في وقته
حتى رفضنا للخطاب بكامل ارادتنا وقناعتنا ماهو الا سبب يهيئه الله لان الزواج ليس مقدر ولا مكتوب لنا الان
اعرف بنات عز المعرفه مايخرجون من البيت الا للدراسه وباقي الايام والاجازات ما يختلطون بالناس الاغراب ومع ذلك تزوجوا وحده ورا الثانيه ماشاء الله تبارك الله
وبنفس الوقت اعرف بنات تزوجوا بعد حب او اعجاب والمعرفه كانت عن طريق مراجعه بمستوصف او صديقة اخته او ... الخ وكلها مجرد اسباب ربي هيئها لهم للارتباط
وكذلك سمعت عن بنات مابقى زواج ولا مناسبه ولا اجتماعات الا وحضرتها ولا بقى أم أو أخت ماتلصقت فيها بس عشان تخطبها ورغم ذلك محد فيهم فكر يخطبها او يتقدم لها لدرجة ان بعضهم تتعمد تمر عند الشاب وتكلمه بأي عذر او تحاول تحتك فيه لكن مايعبرها وبالعكس ينفر منها
لان الزواج رزق مقدر له وقته ..
وانا ضد فكرة ان البنت تلهث خلف فكرة الزواج لدرجة انها تفقد اتزانها العقلي والعاطفي وترمي نفسها في طرق مو من قيمتها ولا قدرها بحجة انها تبحث عن الحلال وغرضها شريف
نعم هي تبي الحلال وغرضها شريف لكن الاطراف الاخرى قد يكون غرضهم خبيث
وحتى التشجيع على الاحتكاك بالعمل المختلط ربما لا يناسب كل افراد المجتمع واصلاً مجالات الاحتكاك محدوده وثلاث ارباعهم متزوجين او مقيمين جايين يكونون انفسهم كم سنه ويرجعون لبلادهم