التجمع السادس عشر لحوامل مواليد ينـ 1 ـاير & فبـ 2 ـراير لعام 2021 م

مواهب و جواهر 🤪
هذا النقاش بكل تجمع يصير و بكل جمعه حريم بعد ، نقاش البنات و الاولاد ، تغثني اللي تسوي اللي عندها احسن شي ، انا عندي ولدين و اختي جابت بنت بعد ٤ اولاد ماشااءالله تبارك الله و اكيد فرحتها غير و هي كم وحده ثانية غثوني يقولون دام ماجبتي بنت للحين ما حسيتي بالامومة ، و يصير نقاش حاد بسبب هالموضوع انا الحمدلله مافيني جهل و ماعمري قلت العيال افضل و احلى و هالكلام بس بعض اللي عندهن عيال هذا كلامهم ، مدري وش المشكلة اذا الوحده اعترفت انها تتمنى النعمتين كلها ، واذا طولوها بالنقاش اقول الرجال مهما فرح ببناته مو كثر فرحته بالولد ، و احس صح الرجال يبون خلفتهم يصير اكثرها عيال و يفرحون بهم اكثر بس لو جاته البنت يشيلها بعيونه ، الله يعطي كل واحد اللي يتمنى يارب و كلهم يازينهم والله يجننون المهم العافية و الصحة و عسى ربي يطرح بهم البركة يارب ❤️❤️

قشششطة انتي معنا بتجمع قبل سنتين ؟؟؟؟ كويس فيه ناس طلعوا اعرفهم اول احس اني غريبة لأني ما ادخل المنتدى الا وقت الحمل احب اشوف الناس اللي مثل وضعي و بدل ما نتذمر و نتشكوى من الحمل نقعد نسولف و نجهز مع بعض و نحسب و ننتظر ، يااااارب عديها لنا و للجميع بخير و سهلها يارب العالمين 🙈❤️😂

ايه مو انا انبببح صوتي وانا اقولك ي بربوليتا انتي خويتنا 😓😭

حتى فطوم تعبت معي ياعيني وهي تسألك انتي خويتنا هاذيك 😂وانتي ولا كنك هنا

مثلي مادخل الا اذا حملت وحتى حملي الاخير الي كنت معكم فيه ماكنت ادخل كثير لان المشيمه كانت نازله معي وكنت بنقل بيت جديد الحمدلله تسهلت وعدت على خير 🙏🏻

ههههههههه انا ادخل من تطبيق عالم حواء و ما يجيب الا اخر صفحة او انا ماعرفت له ماحبيته احس بالمتصفح احلى و اقدر استرجع الصفحات ، الحمدلله ع سلامتك و مبروك البيت و مبروك الحمل الله يتمم لك ع خير
ماشفت كلام فطوم 😂😂

كويس نكي مميز ما ضيعتوني 😂❤️

الله يخليكم ولا يحرمكم من بعض