الحمدلله اناا ولدت بالسلامه وجايتكم بالاكشن مره وحده 🏃♂️
اكشني كان عندي موعد تنويم طلق صناعي يوم الخميس صحيت الخميس وانا مروقه اتصلو المستشفى قالو 7 المغرب تكونين عندنا وفعلاً 7 المغرب وانا داخله عليهم بكل ثقه احسب بيحطولي الطلق من هنا واولد من هنا من كثر ماقالولي الطلق الصناعي قوي 😂
حطولي التحميله الاولى وكان في وجع خفيف بعد 6 ساعات قاسو لقوه فتح 1 سانتي وحطولي التحميله الثانيه برضو الوجع خفيف وفتح 2 سانتي وبعدها ب6 ساعات حطولي التحميله الثالثه عصر الجمعه ونفس الشي الالم خفيف بس الرحم هالمره مافتح ابد وعالساعه 12 الليلجاني طلققق قوي مرره جا الدكتور شاف التخطيط قال الفجر بإذن الله وانتي والده ساعتين واجيك ثاني اقيس عشان انزلك كشك الولاده
جا بعد ساعتين والصدمه الرحم لسى 2 سانتي وقتها خافو يكون الرحم اجهد قامو اعطوني ابرة مهدئه وراح كل الطلق قالولي ارتاحي 24 ساعه بعدها نبدأ ثاني
يوم السبت العصر حطولي التحميله الرابعه والمها كان خفيف بس برضو الرحم رفض يفتح اكثر من 2 سانتي سوولي تحريض ومافاد برضو
الساعه 12 الليل جاني الاستشاري قال احنا جالسين نحاول المحاولات هذه كلها عشانك بكرية ونبغاك طبيعي بس رحمك مو راضييستجيب باقي حل اخير نجربه اننا ننزلك كشك الولاده ونفتح موية الراس هذا حيزيد الطلق عندك اول مايتوسع الرحم 3 سانتي نحطلك طلقصناعي فالوريد وتولدين طبيعي ان شاء الله استخرت ووافقت وطلبت ابرة الظهر نزلت كشك الولاده فكو المويا وصار الطلق قويي مرههجاتني طلقتين نفضتني نفضض وعلى طول ركبولي ابرة الظهر وهذه نعمممه نعمممه من ربي اللي تولد طبيعي بدونها غلطااانه راحه فضيعهمن كثر ما اختفى الالم نمت وحطولي طلق صناعي فالوريد ومشيت الامور تمام وفتح الرحم 5 سانتي فجأه وانا نايمه يصحيني الاستشارييقولي حنحولك قيصري الرحم فتح 5 بس الجنين تعب مانبغى نخاطر ووافقت وفي ثواني نقلوني غرفة العمليات واعطوني بنج نصفي معكمامه والساعه 6 ونص الصباح شرفت بنتي عالدنيا اخييراً
🤱🏻🎈التباشير الـ31 لمواليد يوليــ7ـو & اغسطــ8ـــس لعام 2020🎈🤱🏻
متابعة النقاش، صفحة 110
