التجمع التاسع عشر لحوامل مواليد ينـ 1 ـاير & فبـ 2 ـراير لعام 2021 م

عندنا اجلوها شهرين،راح تكون ع بداية نوفمبر

اجل الظاهر بتروحين مره ثانيه ويقولون لك ولد مو بنت 😂

انتي شفتي العضو في اخر سونار كان واضح ؟

اذكر قريبتي طبيبه لي قسم الولاده تبع الحكومي،تقول جتنا وحده وراح يقررون لها عمليه،وع اساس فيها توأم وهي تتابع عندهم،تقول لما نولدها الا ويطلع عندها ٣ توآئم مو ٢،،واما وحده جتهم فالتاسع،وع اساس ان الطفل مقعدي،تقول وانا اتفحص البطن حسيت في شي غريب،كان الراس تحت و فوق وع طول اتصلت بالاستشاريه وجت وعملوا لها سونار يتأكدون وطلعت الحرمه حامل بتوأم وطول فتره حملها مو مبين فالسونار

ماله علاقه،،حتى لو ماحلقتيه راح يتساقط الشعر ويظهر الاصل،اعرف وحده حلقت لبنتها وعمرها اسبوع والبنت شعرها حرير وثقيل وطايح من نعومته،وكبر بعد الحلاقه نفس الشي حرييييير ،والله مااكذب عليك بعد ماكملت سنه بشوي بدا الشعر يلف شوي شوي وصار كيرلي خشن،والان صارت في سن مراهقه امها تعاني في تمشيطه من ثقله وكثافته بس اجعد والشعره صارت خشنه،،واعرف كثير كذا، واما سلفتي تحلق لبناتها وعمرهم اسبوع وشعرهم هوا هوا مايتغير تبارك الله نعومه وسواد

عسى من الاساس شايله وراثه الشعر الخفيف وفوق هذا كله مايطول تخيلي كملت سنه ونص تقريبا وانا يالله يالله اقدر اربطه نافوره😪وشعرتها رقيييييييقه مره،،بعد الحلاقه صحيح لازال النمو بطيئ بس الشعره نفسها صارت اقوى من قبل ولله الحمد يعني لقيت عالاقل نتيجه،،ولما حلقتهة كان شتاء ومااحد راح يشوفها غير اهل البيت قلت عالاقل لما يجي العيد يكون خلاص طلع لها شعر😂