وبسالكم انا توني ع يوم السبت كذا بدخل الشهر السابع ، احس بكتمممة بصدري شي ضاغط علي مدري طبيعي ولا احس صار عندي صعوبة بالتنفس 😐.. طبعا اخر موعد لي كان بالشهر الخامس حوموا كبدي الحرس مدري وش قصتهم سويت تحليل السكر ولاعاد جاء منهم لاحس ولاخبر حتى التفصيليه م سويتها للحين 💔💔طفشت من الانتظار وحجزت بعبدالله الجامعي ياللي تبع جامعة نورا وموعدي الاحد هاتفي بس عقب يحولوني للنساء والولادة واتوقع اني بكمل معهم لان ودي اولد عندهم ف اللي جربت ولادتهم او تعرف احد ولد عندهم تفيدنا بالله 🦦🤎..
المهم رحت لغرفة التنويم وطلع معي وحده بالغرفه بس كانت نفسيتي دمااار رحت للسونار والحمدلله طلعت الدكتوره نفسيتها احسن بكثيير من اللي بالطوارئ قالت ممكن الدم يكون من المشيمة مع توسع الرحم يكون فيه تمزق شوي وسوت سونار من تحت << يارب رحمتك 😭 اقولها تكفين مابي قالت مايضر ذا مب مثل الكشف قالت كل شي تمام بس بنحطك تحت الملاحظة احتياااط ممكن ولادة مبكرة وبكلملك دكتور الاطفال عشان يكون عنده خلفيه يعني في البدايه طمنتني ثم روعتني اقولهم مايحتاج كل هذا خلاص 😭 وعجزت انام كل شوي داخلين الممرضات ازعاااج
عاد الصبح على الساعه 9 ودوني لاستشارية السونار قلت لها خلاص تكفين مابي قالت الجهاز اللي بالطوارئ مب دقيق سوت السونار قالت المشيمة سليمه ولافيه تمزق ولاشي والجنين سليم اللهم لك الحمد وشافت عنق الرحم كل شي تمام قلت لها يعني الكلام اللي قالوه لي مب صحيح ؟ قالت ابد تطمني كل شي تمام يااا رب لك الحمد 😭💖💐 الله يتمم لي ولكم على خير يا رب 💓