‎🤱🏻🎈التباشير الـ31 لمواليد يوليــ7ـو & اغسطــ8ـــس لعام 2020🎈🤱🏻

الله يسلمك من كل شر 🤍

اي ان شاءالله ختامنا ع خير فهالتجمع🙏🏻😍

الحمد لله على سلامتك ومبرووك المولود يتربى بعزكم ان شاء الله 🎊🎊🎊

جيتكم بالأكشن
الحمدلله ع الخلاص الحمدلله ع فرج الله
بداية انا قلت لكم جتني ولادة مبكره في ثلاثه وثلاثين اسبوع
وانفتح الرحم ٤سم
المهم وقتها قالوا لي اجلس عندهم حتى تجيني الولاده لأن الرحم اذا انفتح مارح يتقفل هذا ع كلام الدكتور..
انا طلعت ع مسؤوليتي
المهم مااخفيكم الموضوع ماكان سهل توترت
وطلعت وسافرت لبيتي 🙂
طبعاً كنت مااسوي شيء لين استخير
المهم في تفاصيل كثيره ماله داعي ذكرها
جاء يوم ١٩اغسطس وقلت بروح اطمن ع البيبي
ترى انا من ٣٣اسبوع ماادري عن البيبي بس استودعه الله
كنت احس بالضياع مره
المهم رحت مستشفى خاص وحكيت لها الوضع
وماصدقت في البدايه تقول ٤ولاده مو معقوله ماعندك طلق
انا ع طول عندي طلق بس مو الطلق القوي مره
المهم كشفت قالت خمسه
وسوت لي تحريض وقالت لازم امشي لأن عنق الرحم سميك
طلعت ومشيت
ورجعت البيت والطلق مررره ماسك معي وتسبحت وسويت مساج زيت زيتون وجاني النوم 🙂😅ونمت
وكالعاده اصحى ومعد في اثر للطلق
المهم انا اعرف انو انا خمسه ولو اروح للمستشفى اللي بولد فيه خلاص مابيطلعوني
تسبحت بمويه دافيه شربت حليب زنجبيل وقرفه ورجع لي الطلق منتظم ورحت المستشفى ع المغرب
ويوم وصلت ويقيسون خمسه
نفس امس
جاني احباط كان معي طلق من اليوم اللي قبل يادوب نمت
المهم قالوا لازم يفكون المويه
وهنا العذاااب ياااارب انك تعظم اجرنا
حاولوا يفكون المويه وماانفكت يقولون المشيمه متأخره او شيء زي كذا
ثنتين يمسكوني ويضغطون عليه وانا بموت من الالم
وتجمعوا الممرضات والاطباء ويسألوني اذا عندي مشكله في المشيمه
انا اعطيت الممرضه اول مادخلت اخر تقرير لي بالمستشفى وشكله ضاع
المهم هم محتاسين
وانا الطلق شد معايه بموت من الالم
قاعدين يدورن جهاز كويس عشان يشوفون المشيمه
وانا اقوم واقعد واترجاهم ابي مسكن ابرة عضل او ظهر وهم يقولون طيب
المهم خلاص قاموا يقيسون وانا احس بالدفع
انجنيت
يقولون لاتدفعين ومره يقولون خلاص عشره
انتظري نقص وانا معد اقدر خلاص
وحسيت بالدفع وهم يصيحون لاتدفعين وابتلشت بعمري مره يقولون ادفعي مره يصيحون لا والموضوع احس خلاص مو بيدي والدكتور يقول وين المقص ويوم شفته عشان المقص كملت دفع
الحمدلله وطلع ولدي بالسلامه بعد ٤ساعات الحمدلله ماطولت
الحمدلله ع فرج ربي الحمدلله ع لطفه
للأمانه كان الجو موترني لدرجة ماتتخيلونها
الغلط انو ماعندهم تاريخ حملي نهائي وتلخبطوا ولخبطوني معهم
وكل شوي يجيبون جهاز ومايشتغل عشان يبون يشوفون المشيمه وانا الطلق عندي حامي
انا كنت بوادي وهم بوادي
كنت احاول اراجع عندهم وكانوا موقفين المواعيد
ويوم جبت تقرير من الخاص ضيعوه الممرضات
الحمدلله ع فرج الله جاء بعد ماحسيت خلاص بالهلاك
قالت لي الممرضه اول مادخلت احنا مانعرف كيف دمك والهيموجلوبين فمستحيل
قلت ع الاقل ابرة العضل او اي مسكن
الحمدلله فرج ربي كان اقرب منهم
فالحمدلله بعدها بثلاث ساعات جت دكتوره تجنن اخلاقها،، تسوي لي الغرز والحمدلله البارح طلعت البيت
باقي البيبي في الحضانه باقي له فحوصات وبإذن الله يطلع بالسلامه ويقر عيني فيه ويقر عيونكم بعيالكم ياااارب

بنات اللي تسأل عن مسحة كورونا اذا يسووها بالحكومي انا ولدت بمركز الامير سلطان وسووها لي عن طريق الأنف قبل ادخل غرفة الولاده