أن الأب مثل الروح، عندما تخرج يتهاوى الجسد

السلام عليكم
كيف حالكم بنات
زوجي هو واخوانه واخواته علاقتهم مع الاب الله يرحمه ماكانت علاقة اب وابنائه
كانت علاقة اصدقاء
صعب اشرح عن عمي الله يرحمه
لذلك بعد وفاته صار في جرح عميق بالبيت حتى وحدة من البنات منهارة للحين وتنومت بالمستشفى بعد وفاة ابوها
زوجي حالته النفسية تحت الصفر ماقدر للحين يتأقلم انه ابوه رحل عن الدنيا
كل يوم من الصباح يروح عند قبره ويرجع يبكي
قعد يتكلم عن موقف حدث قبل شهر
زوجي الله يهديه عصبي كثير بالعمل وحدث انه ابوه كان شاري رطب وجاي عنده ودخل وعطاه ياكل وزوجي رفض وكرر عليه مرتين بعدين صرخ وقاله ما ابغى اكل ومشى ابوه وراح هو والموقف مر
اكثر من كم يوم هذا الموقف يقولي عليه بالليل ويصير يبكي بهستيريا يبكي بجنون ودوم اشوفه يحضن شماغ ابوه ويصير يبكي اكثر
ما اصدق عقلي يوم اشوفه بهذي الحالة واصير ابكي معه بدل ما اواسيه
حالته صارت تخوفني من كثر الندم
من الوفاة للحين ماطلع من بيتنا ياجالس وساكت او عند امه
حالته بدأت تخوفني وهو قبل فترة صار يعاني من انزعاجات قوية بالقولون واثرت على صحته كثير والطبيب لخصها انه يبتعد عن الحزن والعصبية ورجعت الحالة عنده بسبب الحزن
انا اقدر مشاعره لانه خسارة ابوه كبيرة للكل وما كتبت الموضوع الا للفضفضة فقط من حالة الحزن لي عايشتها
ويلي من فقد عمي لي كان احن من ابوي والجهة الثانية صحة زوجي
هو ماكان عاق اعوذ بالله ويشهد الله انه كان اكثر الابناء بر بالوالدين لكن في اكثر من اشكالية صارت مع ابوه وكانت تعدي والحين ندم عليها بعد وفاته