التجمع ال (157) للمقبلات على الحقن المجهري وأطفال الأنابيب

بنات انا امس رحعت الجنين السليم الوحيد اسال الله ان يثبته لي ويقر عني فيه يارب
نشكر الله ونحمده علي نعمه التطور والعلم
وان عرفت ان الاحنه الباحي مشوهه
يعني لوما الاختبار جان فرحت بالست اجنه ورديت ثلاث وثلجت ثلاث وتميت احاول واتامل
واهي اجته غير صالحه والارحم والافضل ان ما اردهم وهالشي لي ولهم
يابنات نصيحه لاتستهينون بفحص الاجنه الجيني
انا عندي عيال الحمدالله كللللهم سليمين وانا وززوجي سليمين اميه بالاميه ومافينا مشاكل ومو اهل عشان اخاف من امراض وراثيه
وعبالي ان الدكاتره يتقسلفون لما يطلبون التحليل ومجد ** فلوس
ماتخيلون صدمتي اول مره لما عرفت ان الاجنه كلها مشوهه
تخيلو يتصلون المختير ويومي ويطمنوني ان البويضات تنقسم
وعندج عدد اجنه وبيوم الترجيع الدكتور يعتذر مني لان كل الاجنه مشوهه واحسن ماردها لان بينولد الطفل يعاني من اعاقه مانعرف نوعها او ان الحمل مايتم ينزل
عقبها قمت انا اصر واطلب ان يفحصون الاجنه قبل الترجيع


وكاهي اخر تجربه
كان عندي ست اجنه منقسمه انقسامات تامه وجاهزين للترجيع
واحد بس السليم
الف حمد وشكر لك يارب انك سخرت انا العلم

اللهم لك الحمد ربي يبارك لك فيه ويتمم عليك حملك ٩ أشهر على خير ويقر عينك بشوفة طفلك

الله يتمم اليك على خير ويجعله ذرية طيبه
بس بغيت أسئلك طيب انتي يعني سويتي قبل هالمره حقن مجهري وصار اجهاض او ما كتمل الحمل؟
الاغلب مايسونه لانه يقلل من جودة الجنين و ما تخليها تثبت..
الله يكتب اليك الخير..
انتي عمرك فوق الاربعين ؟

صباح الخير بنات،
اليوم صحيت وعندي توتر خائفة من النتيجة. وبعد ما صليت الفجر بحمدالله ودعيت هديت وتحسنت نفسيتي.
وأرجو تنصحوني في حال لا سمح الله ما نجحت هذي المرة هل أتوقف عن المحاولات ولا إيش أسوي. مشكلة الإنجاب الأساسية سببها إن زوجي عدد الحيامن عنده صفر نتيجة مرض وراثي. وما عرفت بالموضوع إلا بعد سنوات من زواجنا بعد ما عديت الأربعين
وقررنا نجرب الحقن المجهري بعد ما سويت فحوصات وطلعت نتيجة مخزون المبيض عندي جيدة حوالي 1.3 وتحاليلي الثانية كلها في الجدود الطبيعية وبطانة الرحم سماكتها 10 والأجنة اللي طلعت في المخاولتين كلهم من الدرجة الأولى الحمدلله. لكن رغم هذي الأمور كلها ما صار حمل في المحاولة الأولى، ومتخوفة من نتيجة المحاولة الثانية لأن عمري 44 سنة حتى ولو كانت تحاليل الخصوبة عندي ممتازة. والدتي الله يحفظها حملت وعمرها خمسين سنة. فما أدري هل فيه أمل لو استمرينا في المحاولات ولا أرضى بالنصيب وتكون هذي المرة آخر محاولة.

التحاميل علشان عنق الرحم
تقسيه علشان مايرتخي.