زوجي قرب ينهبل من البنيان!!!!!!!!!!!

اهل زوجي قاعدين يبنون حاليا وزوجي هو المسؤول عن كل شي مسكين والله ان حالته النفسيه تعبانه زود على دوامه الغثيث بنيان عشان كذا ودي اساعده في افكار اقتراحات لانه محتار جددددددددددددددا في اختيار اشكال الجبس بالنسبه لمجلس الحريم والرجال والصاله ودنا باشكال مميزه حلوه + غرف النوم وشرايكم نحط رخام ولا سيراميك وش احسن ( محتار في النقطه هذي بشكل خيالي) مطفي ولا لماع المجالس والصاله برضو محنا عارفين وش الدارج الان + واهم نقطه والي بدا زوجي يهذري فيها ويحلم فيها باليل هي بوية البيت مايدري وش يحط محتاااااااااااااااااااار .. والحين جا دوركم يااغلى واعز بنات في الدنيا يالييييييييييييييييييييييييييييت تساعدوني والله ماتتخيلون قد ايش زوجي مهموم وضايق صدره ياليت تساعدوني عشان افرج همه ولكم الدعاء بظهرالغيب.

6 تعليق 1,509 مشاهدة

شاركي في النقاش

سجلي الدخول لإضافة تعليق.

التعليقات

6
  1. @abdaaaaaaa



    الله يكون بعونك وعونه يا لما , والله البنيان جنون مو بس وجع راس
    ـ بالنسبة للجبس كل ما أقتصر على لمسات بسيطة وناعمة برز عندك بشكل أفضل
    على سبيل المثال , هناك من يكتفي بإطار داير مدار السقف فقط ويركز على طريقة صبغ ذلك الإطار وهذا هو الأفضل .

    ـ بالنسبة لغرف النوم السيراميك المطفي أفضل " اللماع صار موضة قديمة "
    ـ أما المجالس والصالات فكثير من الناس تفضل الرخام لفخامته

    ـ أما البويات يا لما فهناك تشكيلات رائعة جداااااااااااااا منها كالتعتيق والترخيم والتطبيع , وعمل بعض التأثيرات الجمالية عن طريق المعجون , فزيارة منه لمحلات الأصباغ كفيلة بالتخفيف من حيرته

    والله يوفقكم
  2. @maatzh_balaslam

    والله موب لحاله حتى زوجى والظاهر انا ابلحقه قلت ابفزع معه ودخلنا فى دوامه ما بعد طلعنا منها
    تصدقين فيه اشياء كثيره طلعت مهيب على ذوقى ولو عدلناها بتخسرنا واحنا موب نا قصين
    معليش حبيت افضفض لك من حر مابى
    وابقول اشياء من تجربتى عسى الله ينفعكم بها
    المجالس والممرات خلوها رخام والصاله اذاكان ميزانيتكم راهيه رخام وانا عن نفسى مسويه سيراميك يركب لونه مع الرخام
    غرف النوم سيراميك خشن
    والجبس اللحين الدارج البساطه وكل شئ ناعم
    البويه تعتيق وخلكم مع الخيل ياشقراء وانشاءالله افدتك ولاتنسين تدعيلى ان امورنا فى البيت تمشى على خير وان ربى يهدى زوجى ويسخره لى
  3. @ghydan

    مرحبا لما

    الله يعطيه العافيه زوجك على تعبه مع أهله الله يكتب له الأجر

    تمام اجل دوخه زوجك مع البنيان الآن راح تسهل عليكم المهمه لما تجون انتم تبنون

    شوفي عزيزتي انا من رائي انكم تخلون غرف النوم سيراميك من النوع المطفى ادفى للنفس

    اما الصالات ومناطق الإستقبال حطوها رخام افخم واجمل وبعدين لكي وللزمن وموضته دايمه ماتنتهي

    اما عن البويه والوانها يتهيألي انكم تشاورون فيها الشيبان اللي هم ام زوجك وابوه لأنها راح تفرق معاهم وتأثر على نفسيتهم يعني يشاورهم فيها عشان لا ياكلها على راسه

    اما عن الجبس فالأخوات هنا اكيد راح يفيدوكي اكثر مني مع اني دايم افضل البسيط العادي هو الأجمل ويواكب جميع الفترات

    بالتوفيق
  4. @lma_1

    صاحبة الموضوع
    ابداع , معتزة بالاسلام .. الف شكر على ردودكم بس ودي تعطوني اشكال معينه للجبس لو شكلين ثلاثه ابي اي شي تكفون لاتردوني..الوان محدده للجدران يعني نخليه بيج او سكري تقليدي يعني وبس ولا ايش ابي اقتراحات.. هل فيه فرق بين شكل الرخام والسيراميك الي على شكل الرخام يعني اذا شافه احد يقدر يفرق اذا كان رخام ولا سيراميك؟؟؟

    معتزه بالاسلام .. وشي الاشياء الي تحسفتو عليها .. وودي اعرف كيف شكل الجبس عندك ولون البويه باختصار قولي لي احلى شي سويتوه بالبيت واشين شي ندمتو عليه معليش تحمليني انتي ادرى بحالي تراك مثلي.

    ومراح انساكم من الدعاء.
  5. @lma_1

    صاحبة الموضوع
    غيدان.. اي والله انك صادقه تعبه هذا ودورانه على المحلات ليل نهار راح يسهل علينا مهمة البنا بعدين..انا قلت لخالتي(ام زوجي )المطفي احسن لغرف النوم بس ماش ودها بذا الي يلمع .. اما عن البويه نبي شي محايد يعني ينفع لمعظم الوان الاثاث بس محتارين.. مشكوره حبيبتي على ردك .

تابعي تجارب أخرى من هذا القسم.