⚜️التباشير التاسع لحوامل مواليد سبتمبر 9 & أكتوبر 10 لعام 2020 ⚜️

👍🏻😄

يارب

مسا الانوار❤️

كيفكم بنات الحمدلله ع السلامه كل اللي ولدو ربي يبارك لكم فيهم
ايش رايكم اذا ولدت اخر وحده نسوي لنا قروب سناب او تلقرام عشان نستفيد من بعض خصوصًا عشان اطفالنا قد بعض ناخذ خبرات من بعض بالذات اللي اول مره تستفيد من اللي خبره
وعشان مانتقطع عن بعض ابدا يإذن الله

نجي للأكشن قبل اطلع وانشغل أكثر لاتنسون اني معتبرة نفسي بكرية بتعلم من جديد 🥺🙏🏼

بس عشان اذكركم كان معاي قابلية سكر وتكلس مشيمة درجة خفيفة
بقسمها لثلاث ايام انتهت كالحلم ولحظة فرح ربي يرزقها كل من يتمنى 🌸
الاربعاء: كان موعدي مع الدكتورة عشان تشوف تقارير حملي الأولى بما اني راجعت بالبداية عند مستشفى مختلف وعلى اساس التقرير بتقول التكلس شديد ويحتاج موعد طلق صناعي او لا ، الحمدلله قالت مايحتاج وكشفت كان الرحم فاتح ١-٢ سم والعنق لين 👌🏼 ( اتوقع والعلم عند الله المشروبات فادتني) وسوت لي تحريض بدون ما اطلبها وقالت اسبوع وانت والدة إن شاء الله + بالليل رحت مشيت شوي بسعلى التراب + رجعت اخذت شاور حار ودهنت بطني وظهري زيت زيتون وحبة بركة

الخميس: بدأ بتكملة للافرازات وانتو بكرامة ما بعد التحريض ونزلت السدادة على دفعات، انا كنت اشرب يانسون اربع اكواب باليوم كوبين النهار وكوبين المساء مع رطب وكمان خلطة قمم التميز وزعفران مرة باليوم طول الاسبوع الاخير من حملي وامشي يوميا ساعة وكمان رحتالممشى مشيت على التراب ورجعت البيت وهنا بدأ الأكشن 😂
نزلت عليا الموية الساعة ١:٣٠ الليل لاول مرة بحملاتي وكانت على دفعات توصل للركبة او اكثر 😐 ، هنا ماكنت عارفة ايش المفروض اسوي السكر يزيد موية الجنين وتكون خطر والتكلس ينقصها ويكون خطر 😣 فقلت القرار مقدر اخاطر واقول بطول بالبيت وانا معرف العقبات😕 ساعتين خلصت اغراضي واولادي نامو ورحت المستشفى وهنا كان فجر يوم الجمعة 🥶

الجمعة:اذان الفجر وانا بالمستشفى الاختبار أكدد ان الموية موية جنين وقالت لي الدكتورة نبدأ الطلق الصناعي الان وقلت لها لا بنتظر يمكن يجيني طلق طبيعي وقالتبراحتك
انا كنت مترددة وحاسة بالمسؤولية اخاف اتأخر بالطلق ونتعب انا والبيبي خصوصا ولادتي جات وقت النومة يعني بكون مواصلة بس قريتانه غالببا بعد ست ساعات يبدأ الطلق وقلت بنتظر لما ٧:٣٠ واقولهم خلاص اعطوني طلق
والدكتورة كنها في مخي جات الساعة ٧:٣٠ وقالت خلاص اعطيتك فرصة الان بنحط لك طلق بالوريد الساعة ١٢ كان فاتح ٣ واعطوني ابرةعضل ونمت والساعة ٣ كان فاتح ٤ واعطوني ابرة الظهر والحمدلله الساعة ٥:٣٠ جات البنوتة 🥳🥳

حصل لي نزيف بعد الولادة وقد حصل لي قبل بولادة الي اطول فيها يجيني بس الحمدلله وقف
اعطوني ابرة للنزيف تسبب ارتعاش وارتفاع حرارة وضغطي ارتفع فكنت تحت الملاحظة اربع ساعات بعد الولادة والان الحمدلله وين كنا و وين صرنا ☺️

الحمدلله على كل ماحدث وانتهت رحلة وهن على وهن
والان نبدأ توزيع الحلبة 😋