مرحبا بنات ...
موضوع حلو ... و لا حظت وايد بنات يسئلون عن الخدع و أخفاء العيوب ...
فحبيت أفيدكم باللي أقدر عليه ... الخدع يلزمها كونسيلر غامق و فاتح ... مثلاً في حال الجبهة الكبيرة و العريضة مثل حالاتي دار ما دار الجبهة تحطين الكونسيلر الغامق و بعدين تحطين عليه الأساس و البودرة أو في حال الأنف الأفطس على جنبي الأنف تحطين الكونسيلر الغامق عشان تعطين أحساس بالبعد و الظل اذا متخيلين معاي و على عظمة الأنف خط من الكونسيلر الفاتح عشان يبرزها للناظر و حطي الأساس و البودرة بعده و أنا أحب أحط بودرة اضاءة من اللي تنحط تحت الحاجب على عظمة الخدود و عظمة الأنف و عظمة الذقن تخلي الوجه منحوت ...
بصراحة طريقة الكونسيلر أنا ما أستخدمها بس تعلمتها بدورة لأن و لله الحمد ما في وجهي الا هالجبهة العريضة ... بس ببودرة الاضاءة و البلاشر ممكن تنحتين الوجه ... بعد بودرة الأضاءة أحط البلاشر و يكون تحت عظمة الخد على أطراف الأنف و أطراف الوجه عشان ترسمينه ...
أتمنى شرحي يكون واضح و يفدكن و أفضل طريقة تعرفون شو يخفى و شو يبرز شوفو صور حليمة بولند القديمة وايد واضح الرسم في وييها بس هالأيام بدا يصير مكياجها أحلى و مب مبينة أصطناعية مثل قبل ...
مكياج سهرة مثل مكياج الصوالين تعالي نتبادل الافكار والخبرات
متابعة النقاش، صفحة 19