التجمع ال (١٥٨) للمقبلات على الحقن المجهري وأطفال الأنابيب

انا مرة ماحد يدري لا امي ولا خواتي

بنات استغفرالله رجلي اليسري عوار من وين ابرة التثبيت لين تحت استغفرالله حتى مكان الابره متحجره..

ربي يعوضك به الحمل
بس لاتقيسي ع الي راحن ولا كتب لك فيها شي
قولي بإذن الله يتم وخلي احساسك قوي
اشوفك تاكدين الفشل وتقولي ربي راح يعوضني بالحمل
ترا البلا موكل بنطق
الي اهو تشاوم وسبحان الله يقع او تكوني متردد في طلبك من الله
لازم تقنين بحسن ظن بالله.
..
شوفي انا ماجاني اعراض ابدا الا شي من رفرفه بيوم العاشر هل اهو احساس او تخيل بس عشت بـ امل انه انغراس
الحمد الله من بعد ومن قبل
...
وان شاء الله تفرحون جميعا ويتمم عليكم
وتبشرنا سما و نجد وفنر
بالحمل.
ونوره ورهف وسوسو وناتاشاء
ويعوض الي ماكتب لهم.

كيفكم يابنات وحشتوني كثير وفي كذا بنت ممكن ما يعرفوني
البنات اللي ربي كتب لهم ربي يتمم على خير ياكريم
والمنتظرات ربي يفرحكم
ويارب يعطي كل من يتمنى
انا كمان بصراحه قلقت على سدره وكتبت لها على الخاص وماردت ادخل بين فتره والثانيه اطمن عليكم وعلى قروب الحمل اللي المفروض كنت فيه لو كان تم حملي كنت بولد هاليومين. ( الحمدلله على كل حال)
سعيده انكم للان تشجعون بعض وتحاولون انا من اجهضت الان ٦ شهور مو متقبله اعيد شي ابدا يادوب بديت اخذت فيتامينات ومحافظه على وزني واكلي بقدر الامكان.
وحده من البنات كتبت انه ننقل تجارب بعض اعتقد اسمها نرجس انا احب اقول تجربتي حملت بالمحاوله ال٥ بتوام وفقدت واحد وربي رزقني بالثاني ولله الحمد وبعده حاولت ممكن ٨ مرات حصل لي منهم المحاولات اجهاضين وربي عنده العلم بالاسباب علينا نسعى ونبذل والباقي على ارحم الراحمين
الفتره اللي نعيشها مع هالوباء وفشل عملياتي اكثر من مره محسسيني بتبلد غريب واجهاضي الاخير كل مااذكره يتقطع قلبي كيف حاجه تتعبين علشانها وتضحين وبعدين بيدك لازم تنهينها
وفوقها كبرنا والتفكير ذابحني هل بقدر اربي هل بعيش لاطفالي لو بعد جبت ماباقي كثير على ال٤٠ ياترى عندي طاقه اربي او لا مشكلتي دقيقه ومنظمه وحريصه على كل شي وهذا يتعب.
الفتره اللي نعيشها حاليا متعبتني مره انا للان ما داومت في البيت علشان ولدي كاسرتني وحدته الطفل بعمر الروضه محتاج اطفال يلعب معهم ويتفاعل قبل كرونا كنت مطمنه اشوي يروح الحضانه وبعدين يشوف اهلي لحد مااجي من الدوام ناخذه نلعبه ناخذه يشوف اهل ابوه نطلع نتمشى نتعشى برا او جمعات الاهل يشوف ناس واطفال الان الوضع صعب مااقدر اروح كل مكان واخذه اخاف عليه اطلع معه طلعات خفيفه وحتى اهلي ماازورهم اخاف على امي وابوي خلصت افكاري معه وبرامجي سجلته بكورس عن بعد مع معلمه استفدنا اشوي والان بسجله وبدفع مبلغ كبير لمدرسه خاصه وهو بيدرس عن بعد بس علشان يصير اشوي عندنا برنامج خايفه عليه مره كيف بيتواصل مع العالم والناس بعد هالازمه.
وبس دعواتكم لي امور كثيره شاغلتني ومسببه لي ارق عملي وطفلي ومتى بقدر ارجع اعيد محاوله لا تنسوني من دعواتكم ربي يفرج لنا جميعا.

الله يقومها بالسلامة مادري عنها زمان مادخلت