لكل بنت ماتزوجت تكفين ادخلي

السلام عليكم ،، كيفكم ي اخواتي انا احتسب هذا الكلام لوجه الله واسال الله ان ينفعني واياكم لما فيه خير وصلاح راح اتلاعب ببعض الامور حتى لاتظهر شخصيتي الحقيقيه للعلن حبيت اذكر القصه لعل وعسى منكم يستفيد انا وحده بلغت من العمر مابلغت .. عشت طفوله قاسيه اب متعجرف شديد السلطه علينا الله يطول بعمره ويحفظه .. عشنا ايام محرومين فيها من طلعه حلوه حتى الكلمه الحلوه مانعرفها لدرجه مافي ذكريات في راسي لابوي ماكانه كان عايش معنا ابد شفنا اهانات تصدر من والدي لامي والعكس ماكانوا يحبون بعض ابد ولاتجمعهم جلسه وحده كان عندنا ظروف قاسيه جدا تدمي لها العين ماقدر احكي كل شيء بالتفصيل دخلت في علاقه على الانترنت مع شخص جذبني الاهتمام والكلام الطيب ظليت معه تقريبا ٨ سنين اخرتها تركني وظليت من بعده ادور البديل الين انكشفت من اهلي انفضحت فضيحه مايعلمها الا الله بعدها استمريت ماتبت من شخص لشخص بس هالمره ابغا الستر الزواج كنت اظن ان الزواج عن طريق الجوال زواج ناجح بالنسبه لي كان الحل السريع اني افتك من الحياه البائسه اللي كنت اعيشها تزوجت شخص الناس مره تذمه ومره تمدحه وانا ماصدقت خبر ابغا اتزوج وبس ماهمتني التعليقات السلبيه اللي يقولونها اخواني وابوي عنه.. تزوجت شخص يعاني من حاله نفسيه وصرع وادمان وجميع امراض الدنيا فيه عشت معه سنه كامله صابره بدون اشكي لاحد وش انا فيه ،، كله من اجل اني حياتي معه اهون من حياه اهلي اقسم بالله الكثير يمكن يلومني لكن ماتوجع النار الا رجل واطيها ومايحدك على المر الا اللي امر منه تذكروا اني ماحكيت كل شيء مرينا فيه المهم كان يطلع ويخليني وكان يمرض علي فجاه ولا اعرف اش اتصرف ماكان ياذيني بس كان ياذي نفسه كنت اشوفه يستعمل حبوب بس اقول دامه ملبي طلباتي وبرا البيت وش علي فيه ! كنت استعمل لصق عشان منع الحمل صبرت الين تعبت يخليني بالاسابيع ماادري عنه وصرت اخاف انام وتجيني وساوس وكنت اقرا ان اللي يستعمل محظورات يقتل ويسوي جرايم عشت مجنونه بالاوهام والتخيلات طلبت الطلاق وتطلقت ورجعت للهم والنكد والله انه نكد وهم صح محد عارضني من اهلي بس بعدها بوقت صرت احس ان الكل محرص علي واني مطلقه وماعدت مثل اول وكل شي تغير وحركاتي محسوبه كنت اشوف الاتهامات من مجرد مسكتي للجوال ومااكذب عليكم اذا قلت لكم كمان رحت ادور بديل تخيلوا عمري راح وانا ادور الراحه ماحصلتها لا بزواج ولاغير زواج وهذا كله وانا بعيده عن ربي .. المهم تزوجت بعد طلاقي بسنتين من شخص ظاهره كويس ومن جوه خدعه انخدعت فيه انسان بلا شخصيه بلا كيان بلا هويه مو متعلم بدوي متشدد يعني في الاسلوب نفس اسلوب ابوي بالظبط بالظبط همه ياكل ويشرب واساسيات الحياه بالاضافه الى انه غير مستقر ماديا كحياااااااان عنده قانون ان المراه عبده يستعبدها الرجل مالها اي قيمه ودايمن يقول اصلا الرجال يتصدقون عليكم يوم يتزوجونكم يحطون لكم مكانه قصده ان المراه غير المتزوجه مالها قيمه نفس كلام ابوي يوم وصلت ١٨ سنه وانا ماانخطبت المهم باختصار عشت معه مشاكل مع اهله لاتنتهي شوي ويركع لهم عايش حياته عشانهم مو عشان نفسه كلنا نحب اهالينا بس كلل شي له حدود حتى في غرفتنا نسولف عنهم وش واجباتهم علي كنت احاول ارضيه بشتى الطرق الين اهنت نفسي وصرت اقل مايقال عني خادمه له ولاهله كلهم تخيلوا مايمر اسبوع الا يطلبني يااروح اوجب اخواته ولا امه وحتى زوجه ابوه يبغاني اطبخ لها وانفخ لها تصوروا السوق مااعرفه الا في السنه مره ومقاضي المطبخ نقتصر على الاساسيات فقط رز سكر دقيق وكل باقي فلوسه لاهله كل ماجيت ابي اروح مشوار راحو معي كل ماشافوا معه فلوس خذوها الواحد اذا عنده يعطي واذا ماعنده ليش يتزوجني اذا يبغا يصرف على اهله صبرت على هذا الحال وتطلقت بس هالمره طلعت ف ولد كنت اصبر نفسي واقول اصبري خلاص الطلاق مره ثانيه مو زين ووووو اروح بيت اهلي وارجع اروح بيت اهلي وارجع له كنت انام معه بدمعتي على حالي وحياتي ورب القران ماشفت معه يوم حلو تزوجني عشان اكون قريبه لاهله وفي خدمتهم وقدام عيونهم قويت عزيمتي وقلت لاهلي ماعاد ابي صلح ابي الطلاق ورجعت لاهلي رجعت للعذاب والتعب والهم اشوف في نظراتهم الشفقه علي احاول اوريهم اني سعيده واوري الناس وانا الغصه بحلقي واوريهم ان الطلاق افضل لا انكسار الطلاق انكسار اني بهذا العمر ومنكسره شوكتي من الدنيا ومن حظي .. للاسف اهلي ماعيشوني عيشه حلوه لا في اكل ولا في لبس ولا في بيت ولا قابلونا بنفسيات حلوه كنا نحس اننا عاله عليهم كل شي كان مشي حالك لكن ولدي بيعوضني عن كل شيء عشته .. ي بنات لاتستعجلون على رزقكم تكفوووون النصيحه اليوم بفلوس اقسم بمن احل القسم اني كنت افكر اني بتزوج وافرح والبس فستان زي اللي في الصور وزوجي يمسك بيدي ويحلي الحياه بعيني ونطلع ونتفسح ونعيش حياه كريمه ع الاقل حياه فيها حب وموده واحترام ... خابت ظنوني كانت كل زواجاتي محاولات للهرب من واقعي الاليم اسالكم بالله ركزوا في حياتكم ارجوكم لاتستعجلون على نصيبكم مهما كااااان ارفعي استحقاقك لنفسك حتى لو وصلتي للثلاثين اوصلي ماعليك ولا تعيشين التعاسه اللي عشتها ارجوك يااختي الزواج مو دايم حلو فكري الف مره استخيري الف مره واذا جاك شعوووور بسيط بعدم الراحه لاتوافقين لسبب ان ماعاد بيجي غيره لا لا لا لاتسوين غلطتي احب فوق راسك ويدك حتى لو حياه اهلك تعيسه ضربتين بالراس توجع انا الان قوت علاقتي برب العالمين وولدي اصبح حياتي نسيت الماضي لكن وقعه على نفسي مازال لو جاك شخص وفيه عذروب صغير قد النمله ارفضيه ع طول لا ترضين فيه هذا مستقبل هذه حياه بطول وعرض مو شي مؤقت لاتقولين عادي بكره ياخذ لي شقه عادي بكره يتوظف عادي بكره يتعالج عادي بكره بكره لاااااااااااا .. يايجي نفس مواصفاتك بالظبط ي لااااااااا اقول قولي هذا واستغفر الله لي ولكم