الفصول الافتراضيه تضييع للوقت 😑

ليتهم بس يلتفتون لهالموضوع ويكون الاعتماد الرئيسي لعين والواجبات والمتابعه في المنصه..

بالضبط..

الكبار يفهمون وفيه تفاعل لكن الصغار 🤯..

اليوم ولدي مع أصحابه يتكلم ياشباب ياشباب والعيال اللي يغني واللي يسأل واللي يقلد صوت حيوانات 🌚..

وانا عقلي طار مع هروجهم ههههههه

وفي الاخير المدرس ماحظر جلسته نص ساعه كان ممكن ياخذ فيها درس من عين..

وإن جا الاستاذ والله ولدي في وادي والأستاذ في وادي بعض الأحيان احس بتحمس وانا اخذ الدرس مكانه والصوت فوق كذا يقطع..

الله يعدي هذي الايام على خير نورتي ام صبا ♥️

انتي لاتعممين على الدرس الافتراضي عشان مدرسة ولدك
مدرسة ولدك مو مهتمين بنتي مدرستها مره مهتمين وتحظر المعلمه بعباتها وغطوتها وتشرح الدرس كاملا والكل وقت الشرح يقفل المايك وما احد يفتح المايك الا لما المعلمه تطلب منها
مديرتهم صراحه رائعه وجبرت كل المعلمات يدخلون ويشرحون بهذه الطريقه وفيه سبوره ويشرحون عليها المعلمات بالعكس ارتحت مليون مره من قناة عين لانهم يطولون في الشرح وكانت بنتي مره تطفش وماتجلس عليها الا بعد طلعت الروح واحيانا الاحضها جالسه ومسرحه مافي شي يحمسها لماصرت الدروس بالطريقه هذه ارتاحت كثير وارتحت انا معها وطبعا يعطونهم المعلمات واجبات ويسمعون لهم القران والاناشيد بنتي صف ثاني ابتدائي وفي مدرسه حكوميه بعد وفيه مدارس كثيييييره كذا مو بس مدرسة بنتي

ما بتآخذ منك دقيقة: اذكروا الله وصلّوا على النبيﷺ
لا إله إلا الله وحده لا شريك له له الملك وله الحمد
يحيي ويميت بيده الخير وهو على كل شيء قدير
اللهم صلّ وسلم وبارك على نبينا محمد
وعلى آله وصحبه وسلّم تسليماً كثيرا
سبحان الله وبحمده سبحان الله العظيم
عدد خلقه ورضا نفسه وزنة عرشه ومداد كلماته
أستغفر الله الذي لا إله إلا هو الحيّ القيوم وأتوب إليه
سبحان الله ، الحمد لله ، لا إله إلا الله ، الله أكبر

طيب هذي التجربه الوحيده في موضوعي اللي تأيد الفصول الافتراضيه ..

بالنسبه لك ممتاز وحلو لكن بالنسبه لمجموعه كبيره ضياع وقت ولا شفت فائده وحده للفصول الافتراضيه وعندي يقعد على عين ولا احوس معاه في فصل افتراضي مايركز معاه ولا فيه صوره او شرح ومستحيل يفهم منه فاضطر افتحله عين من جديد علشان يفهم..

ترا الموضوع مستجد وله ايجابيات وسلبيات ومن حقنا نناقشها كامهات واهالي للطلبه..

ومو تعميم ابدا الموضوع انا عايشته ومضايقني لاني اعيد كل الدروس على عين يعني ثلاث ساعات مالها فايده..

ماسمعت ابدا بشرح مضبوط ع التيمز للابتدائي الا منك..