•شتا بنات العين..مايدفى الا بسوالفهن .. حياكم الله في الملف•••

السلام عليكم ورحمة الله وبركاته
مرحبا بنوتات

وكيف حالكم ؟ وشو أخباركن ؟ تولهت عليكن واسمحلي ما أدخل وايد

ملكة القلوب بنوتي شحالج ؟
***************************
الغلا ... الحمد لله ع السلامه , وشو أخبار حمدان
وشدي حيلج في الدراسه , ومن كم يوم أفكر في طريقة لتسوقين تجارتج عدل وحصلتها وبتصل فيج وبخبرج
****************************************************************
بنت الأصول ... الملف أروع من الروعة
***************************************
انسانه ... شخبار المجبوس يله ما تبين خلطة الروق عنب
**************************************************
شموسه , هموسه , عنيدة العين , دلع زاخر , سحابة خير , توت بري , متفيقة , وأيام أول شخباركم
**************************************************************

((سبحان الله وبحمده , سبحان الله العظيم ))

هلا بنوتات , يله خلونا نستفيد من بعض شو شريتن وهالعلوم

أنا خذت خلطة تنعيم وتبيض روووووووووووووووووعة ومفعولها ممتاز
عند وحده وسعرها روعة العلبة الصغيرة بأربعين واطرشيلها بس مسج وتحطه لج في مكان تين تاخذين وتحطين بيزاتها :)

وخذت بعد دخون عند وحده أسمها أم أمير سودانية غاوي بعد

وأنتو خبرونا شو خذتن وخلنا نستفيد :) من بعض

أشهد أن لاإله إلا الله وأشهد أن محمداً رسول الله ,,,


:)

شخشوخه ويييييييييييييييي من متى مادريت والله علشان اتلصق يمكن ابي واسطه ولا شي خخخ
بس الصراحه مايناسب يعني المفروض يحطون واحد عاقل في هالبوزيشن>>مثلا مثلي خخخ

انتي الله يهداج وينج وين العقل>>ويه شكله بينشات بره المنتدى والنت بعد خخخخ


الف مبرووووووووووووووووك حبي والله مادريت الا الحين بالغلط قلت يمكن وحده ثانيه تستاهلين كل الخير فديتج
وهالله هالله بالواسطات خخخخ

هلا وغلا باهل السعودية والله ,,, نورتي ملفنا الغاليه ,,,

الحمد لله هذي نعمه من رب العالمين ,,,

اتوقع انتي تقرين قصص وايد من منتدى ...... عن بنات

الامارات ,,, لأن يوم سرنا السعودية وتعرفت على بنات

القصيم سألوني وقالوا ليش كل بنات الامارات شعورهن

طويله وحلوه لأن كل القصص إللي نقراهن يكونن شعورهم

إما طويله أو غليظه وناعمه ,,, ضحكت وقلت لا مب الكل بس

القصص يكون فيهن مبالغه شوي ,,,

وفي يوم تأخرت عليهن الصبح دقولي وقالن يالله نحن نترياج

في الحرم ,,, قلت بتسبح وبييكن ,,, وأنا من أتسبح ماأظهر

بطيت تقريبا ساعه إلا ربع ,,,, ووصلت قالولي كل هذا سبوح

حشا ,,, وسألوني قالو ليش انتوا أول ماتنشون من الرقاد

لازم تتسبحون ,,, قلت مب الكل بس أنا متعوده ماأحب أسير

مكان إلا وأنا متسبحه ,,, وتم يسألون انتي شعرج طويل ولا لا ,,


سوري طلعت عن الموضوع بس حبيت أتذكرهم بهالسالفة فديتهم والله ,,,

وانا الحمدلله شعري طويل وناعم وكله طبعا وراثه ,,, بس

أمي فديتها يوم كنت صغيره كانت تدهن شعري بزيت أصغر

علي وتترسه لي حتى التراب كان يلصق فيه ههههه ,,, وكل

يوم مضارب أنا وهيه على الدهان وعقب تراضيني وتوديني

السوق ,,,

بس من كبرت صرت أدهن بزيت زيتون قبل السبوح ب 5

دقايق لأني ماأداني أتسبح وشعري مافيه دهان ,,, أحيانا

أدلع عمري وأخلط زيوت وأدهن طول اليوم بس متى هذا مره

في السنه ,,,

وأتمنى البنات يفيدنج أكثر ,,,