🎊🎊تباشير الخير الـ١٦ لمواليد سبتمبر و اكتوبر لـــ٢٠٢٠ـــعام 🎊🎊

صباح الخير بنات

يعطيك العافيه جلنار على التجمع الله يسهل ولادتك و جميع البنات ♥️♥️


هنو الحمدلله على سلامتك و سلامه بنوتك و مبروك ماجبتي 💓♥️ ربي يحفظها و يصلحها يارب


ام عبدالرحمن و باقي البنات ماتشوفون شر يارب العالمين 😪


انا اقولكم بعد الكشف امس وانتوا بكرامه الالحظ افرازات بنيه شي طبيعي هذا صح ؟

لورين و هنو الحمدلله على سلامتكم و الف مبروووك ماجبتوا يتربون فعزكم و دلالكم يارب ❤️❤️❤️


هنو العملية بسيطه اهم شيء الصبح قومي امشي لمن يفكون القسطره و حاولي كل مارحتي للحمام تمشي عشر دقايق و انتبهي من القهوه لا تشربي لانها تسبب غازات و كمان الحليب و العدس و الفول و الاجبان
اشربي قهوه قشر و يانسون و شمر و كمان اطلبي حبوب الفحم عشان تخرج الغازات لانها هي المتعبه للعمليه
و المسكن انا كنت اخذ فولتارين كل 8 ساعات و باراسيتامول ( اللي هو البندول بس محلول ) كل 6 ساعات و الحمدلله ماحسيت بألم العمليه الا بعد اسبوع لمن بدأت تلتئم
لا تنتظرين الين تحسين بالالم كذا غلط مره و تتعبين
و فالك العافية و عقبال تبشرينا بخروجكم انتي و البنوته

لارين وينك طمنينا عليك يارب ولدتي و بخير و كمان عبور يارب انها بخير اختفت مره


ام عبدالرحمن و نوني الف سلامة عليكم الكسر انا جربته المه شيء صعب جدا ماتتخيلينه ابدااا زي الم الولاده الطبيعي و اكثر الله لا يذوقكم اياه العضو نفسه ماتقدرين تلمسينه نهائي خصوصا اذا كسر مضاعف و ان شاءالله اللي معك يكون رضه بسبب الطيحه بس و الحمدلله اللي تطمنتي على الجنين الله يديم عليك الصحه يارب

سارون ياقلبي الله يخفف عنك تعبك الجسدي و النفسي من زوجك و عيالك ريحي بالك و لا تشيلي هم المنصه بكيفهم خليها مسؤليتهم شغلي الجهاز و اتركيهم و قولي لهم انتم محاسبين و فيه اختبار حضوري و ان المعلم راح يخاصمه و حتى لو جاب نتيجه ماهي حلوه عادي اهم شيء راحتك انتي و الجنين الدراسه لاحقين عليها و ماتضرهم هذي السنه و الله يكون فعونك يارب




جريحه و ام التوت الله يبشرنا فيكم قريب يارب


انما اشكو بثي الله يخفف عنك يارب جيبي عامله من الشركات و اذا تقدري تروحي مشتفى خاص حتى لو خارج المنطقه بس يكون قريب شوي عادي


فلايت وايت الحمدلله على سلامة خروج ولدك الله يحفظه لكم يارب و عقبال ماتطمنا باكينام يارب


باسكن الف سلامة عليك انتبهي من النور لانه يأثر عليه و يزيده حتى الجوال اتركيه فتره وارجعي بشرينا عنك


صفاا ياقلبي العصب السابع احنا نسميه( ابو وجيه ) يجي لنصف الوجه و يلف اغلب الوجه على جنب ان شاءالله تكوني فهمتي علي بس هو بسيط و يرجع بالعلاج الطبيعي


ان شاءالله مانسيت احد يارب ❤️

سدوره ياقلبي قريت كلامك الله يخفف عنك يارب و هانت ان شاءالله و تذكري انك راح تستقبلي اجمل اثنين و تحملي عشانهم كل ماجلسوا فبطنك احسن و مايحتاجوا حضانه خصوصا فالاوضاع اللي عندكم و الخدمات مو مره كويسه اصبري و الله مع الصابرين و ادخلي اتسلي معنا مره فقدنا وجودك فالمنتدى و فرفشتك 😢😢😘😘