مرحبا اخواتي
طبعا انا ادرس في ابوظبي ولكني ساكنه في راس الخيمه
وتعرفون كم تبعد راس الخيمه عن بوظبي وهي 240 كم
بس القهر اني راح اشتري سياره جديده وصار لي شهر كامل احاول اخلص الاجرائات الي ماتخلص
والمشكله ان الاجرائات لازم اسويها براس الخيمه
والمشكله اني ادرس وماقدر اروح هناك الا بالويك اند
المهم
الحين ماباقي شي غير اني اخلص ملكية السياره
ولكن للأسف اخوي بعثها بالارامكس الى ابوظبي لان الملكيه لازم اسويها في بوظبي
بس تأخرو كثير وانا احس ان هالسياره منحوسه وراح يصير فيني شي فيها
تخيلو شهر كامل ولو وحده غيري كان طلعتها باسبوع
القهر اني احسها منحوسه وكرهتها لاني انذليت فيها كثير
وكل يوم اسمع خبر يغثني زياده ان الاجرائات ماخلصت
شو تنصحوني اسوي اخذها ولا ارجعها
لاني كرهتها خلاص
حاسه نفسي بسوي حادث فيها لاني اخذتها بالذل والنحاسه
شو اسوي
كراهه الدنيا ومافيها انا ظروفي صعبه ومحتاجه لسياره
تصدقون ان شعر راسي كله يتساقط شهر كامل
والقهر ان اهلي باردين بالموضوع ومحد فاضي لي
وانا منقهره منهم بعد
انصحوني بليز
حدي منقهره
شاركي في النقاش
سجلي الدخول لإضافة تعليق.
التعليقات
34- لمار شوفي حبيبتي الاجراءت تغث في كل شي ء يعني جت على السياره وكلي امرك لرب العالمين ولا تتشائمــــــــــــــــــــــــــين لها الدرجه الموضوع ما يستاهل لا تضايقين نفسك الله يعطيك خيرها ويكفيك شرها وعلى البركه يا قمر 0
- عسى ان تكرهوا شيً وهو خيرا لكم
الله يوفقك اختي ويبعد عنك كل هم الشــامخـه عسى ان تكرهوا شيً وهو خيرا لكم الله يوفقك اختي ويبعد عنك كل هم
اذكري اختي وتوكلي على رب العالمين
هو اللي بيحفظج من كل شر
ولا تنسين تدعين دعاء الركوب
قال علي بن ربيعة :شهدت علي بن ابي طالب رضي الله عنه أتى بداية يركبها فلما وضع رجله في الركاب قال :
" بسم الله "
فلما استوى على ظهرها قال :
" الحمد لله "
ثم قال :
" سبحان الذي سخر لنا هذا وماكنا له مقرنين وإنا الى ربنا لمنقلبون "
ثم قال :
" الحمد لله ،ثلاث مرات "
ثم قال :
" الله أكبر ، ثلاث مرات "
ثم قال :
" سبحانك اني ظلمت نفسي ، فأغفر لي ، إنه لايغفر الذنوب إلاأنت"
قال علي رضي الله عنه : رأيت النبي صلى الله عليه وسلم فعل كما فعلت
ولا تنسين اذكار السفر- والله الروتين ده في كل مكان
بس شكلك اول مره تروحي المكاتب ولهنا ولهناك
شيلي التفكير ده من بالك .. وتو كلي علي الله
كل شئ متعب في الحصول عليه - عسى ان تكرهوا شيً وهو خيرا لكم
الله يوفقك اختي ويبعد عنك كل هم
مواضيع مشابهة
تابعي تجارب أخرى من هذا القسم.