مطلقه محطمه

لا تلومي نفسك على شي راح وفات .. وان شاءالله ربي يعوضك بافضل مما كنت فيه..
اكثر من وحده اعرفها انفصلت عن زوجها ومعاها عيال وربي رزقها بشاب اعزب عوضها عن اللي شافته..

مافي شي على الله بعيد.

لاتنظرين للخلف انظري للامام بكل ثقة بالله
لاتتحطمين ماحد داري عنك وعن اوجاعك
وكل واحد عنده هم لكن يخفيه عن الناس

شكرا لكم كلكم ويجبر بخاطركم
صادقين نظرة المجتمع للمطلقه مع ان هي وش ذنبها💔

اولا حبيبتي غيري معرفك ليه كاتبه مدمرة نفسيا ..
ثانيا.. الرزق عندالله سبحانه ومحد يدري وش المكتوب.. لكن تأكدي أن كل مافي حياتنا خيرررر لنا والله اعلم باقدارنا.. الناس ماعندهم الا التحطيم..
قومي بالدعاء الدعاء في كل وقت تحري أوقات الاستجابه.. وفي سجودك.. والثلث الأخير من الليل.. عند الإفطار إذا كنتي صايمه.. قولي لأمك وابوك يدعون لك..


وكلام الناس خليه وراء ظهرك ومهما قالوا لاتسمعين لقولهم..
والله يعوضك بالعوض الجميل اللي يسعدك ويسر خاطرك..

حبيبتي قدرة الله عظيمة وكرمه مدهش
ادعيلي ربك هو الخبير العليم.. سبحانه يرزق الطير والدواب قادر يسخر لك ولنا ولا ينقص من ملكه شيء.. ادعيلي وتوكلي على الله واكثري من لا حول ولا قوة إلا بالله .. أسأل الله العظيم إن يربط على قلبك و يرزقك خير الأرزاق وأحسنها ويسخر لك خيرة خلقه.. موفقة بإذن الله وتبشرينا بالعوض قريبا ❤️