بنات حواء افزعوني الله يجزاكم جنة الفردوس :((

السلام عليكم ورحمة الله وبركاته....
اول شي انا بنت عمري 23 لحد يقول اصغيرة ابا اعدل بنفسي من الحين... عزباء . خواتي الي اصغر واكبر مني يهتمون بنفسهم بس انا ما عرف كيف ابدء ساعدوني بنات، الي اكبر مني متزوجات وعلى حسب الترتيب الدور علي بس سمعت امي تقول ان اختي الي اصغر مني حد خطبها حزت بخاطري ابا حد يساعدني اتغير ،يستاهلون خواتي كل خير بس ودي اتغير اصير مثلهم جسم وشعر وصفاء ويهه الكل يمحدح فيهم الله يرزقني يارب.
خواتي ابا مساعدتكم ابا اغير من نفسي جد تعبت (الحمدالله على كل حال)... المهم ابا اغير من شخصيتي اول شي ما اعرف اسولف موول يعني يقولون لي شي ارد بشي ما يخصه مثلا (انا يوم حد يرمسني اسولف مب اني استحي بس كلهم يقولون سوالفج من صوب والموضوع الي نرمس فيه من صوب حتى امي :((( يعني ابا اعرف كيف اطور هالمهاره عند مهارة الماحدثه حاولت اقرء بس ما قدرت مليت، وساعات اربط ان شكلي اليوم ما يشجع اسولف يعني لبسي مب ذاك الزود فأستحي ارمس- حالتي صعبه ادري .


الشي الثاني انا وايد عصبية من اتفه الامور اعصب حاولت امسك عمري كذا مره بس ما اقدر غصبا عني احس الي حولي ينفرون مني وهالشي صعب ترا.


الشي الثالث (مطولة الاخت ::)) المهم انا اميل للنحف فخاطري امتن جربت كل شي حبوب تسمين وعسل والحلبه وكل شي بتقولون وراثه لا عائلتي ماشاءالله اجسامهم مثاليه ماشاءالله الله لا يضرهم يعني مابا امتن بس ابرز اماكن الانوثة عارفين شو اقصد يعني اذا حد عنده تجربة "+_+". جسمي قاهرني (الحمدالله) خواتي الي اصغر واكبر مني ماشاءالله انوثة الا انا ممسوحه مسح الي عند شي لا يبخل ابا اقول حق ماما بس استحي ما عندي الجرئه اني اقول لها ولا اقول حق حد بس عارفه ان بنات حواء ما بيبخلون حتى لو بدعوه لي.
انا جسمي طبيعي من ناحية الشعر بس بالاماكن الحساسه الشعر وايد اسفه ع هالكلام هل له دخل ببروز امكان الانوثة ولا ؟
ويهي فيه حبوب واثار حبوب وما فيني خدود عطوني من تجاربكم .
**شجعوني اني ابدء روتين صحي عطوني من تجاربكم الي استفدتو منها الله يجزاكم جنة الفردوس ووالديكم **
جد الي بتساعدني ما بنساها من دعائي بكل صلاة تقبلو مروري الله يحفظكم ويحفظ اهاليكم والمسلمين .

12 تعليق 1,991 مشاهدة

شاركي في النقاش

سجلي الدخول لإضافة تعليق.

التعليقات

11
  1. @hnaaa_shaayb

    وعليكم السلام ورحمة الله وبركاته
    أولا اقولك لا تفكري سلبي أختي والله حتى انا كنت متلك أختي كانت أصغر مني اتخطبت قبل مني وكمان كنت ما اعرف احكي لأني كنت استحيي كتير وحيائي كان يخليني الخبط في الكلام وثاني شي انك تطوري من نهاراتك هذا شي كويس خذي اي صديقة من الأحسن تكون غريبة عنكم عشان حتى لو حكيتيلها اسرارك ماحد يدري وصيري تحكي وياها كل يوم وتطلعي اللي جواك وتفرفشي ونقطة انك بدك تغيري من شكلك عشان تتزوجي هادي النقطة مو متفقة معاك فيها اعتني فسك لنفسك مو عشان تعجبي اي واحد وتتزوجي ترا لو تسوي اللي تسوي لو ماتكوني مأدبة وعندك أخلاق ماحدا رح يحبك وزيدي كمان فكري بقدر رب العالمين لو الله يعطيك ماحدا ياخد منك انتي ماشفتي كم وحدة لا زين ولا لبس ومتزوجة وكم وحدة زين واناقة وجمال ومو متزوجة لأن الأرزاق بيد رب العالمين
  2. @aabyr_alghny1

    ماشاءالله عندك أخوات مهتمات وواضح عليهم التغيير ..


    تجين تسالين هنا ..؟


    أسالي أخواتك وحطي معهن وتبادلوا خبرات
  3. @ddd_5

    صاحبة الموضوع
    هناء شعيب
    وعليكم السلام ورحمة الله وبركاته أولا اقولك لا تفكري سلبي أختي والله حتى انا كنت متلك أختي كانت أصغر مني اتخطبت قبل مني وكمان كنت ما اعرف احكي لأني كنت استحيي كتير وحيائي كان يخليني الخبط في الكلام وثاني شي انك تطوري من نهاراتك هذا شي كوي…
    الله يسعدك يارب ويفرج همك ويقضي حاجتك اسعدتيني
  4. @ddd_5

    صاحبة الموضوع

    المشاركة المقتبسة غير متاحة.

    بحاول اغير من نظرتي السلبية واستحضر نعمة الله علي فتحتي عيني على شي غافله عنه الله يسعدك ويوفقك عشق الامارات
  5. @ddd_5

    صاحبة الموضوع
    عبير الجهني1
    ماشاءالله عندك أخوات مهتمات وواضح عليهم التغيير .. تجين تسالين هنا ..؟ أسالي أخواتك وحطي معهن وتبادلوا خبرات
    مب وايد نحتك فبعض نحن واخاف يفهموني غلط واني ابا منهم شي ولا انا خاطري اكلمهم وينصحوني يعني مره قلت لها شو هالماسك الي ع ويهج عادي اجربة معاج قالت الي فيه ما يخصج واذا تم شي بعطيج بعدين يعني هم ما يعطوني مجال اتناقش معاهم

تابعي تجارب أخرى من هذا القسم.