ولادتي كانت مره غريبة الحمدلله على كل حال، كان عندي طلق مو منتظم امس الصباح انتظم على اربع دقايق وينزل مني دم بشكل مستمر، وبعدين حاولت انام ولما نمت اختفى الطلق 😭
اليوم الفجر رحت المستشفى وكان الرحم لسى ٣ سم تحطمت مره وطلبت من الدكتورة تحريض، حرضت لي وطلعت امشي في مرتفعات ساعتين ورجعت لهم وكان ٤ سم، دخلوني تنويم وحطولي التخطيط وكان الطلق ماشي طبيعي يعني يجي كل ست دقايق يقعد ٤٠ ثانية ويفك
فجأة بِسْم الله جاتني طلقة يابنات نفضت جسمي يالطيف مره قوية وماتوقف تخيلوا مستمرة ماتهدأ ابدًا شوي الا كلهم يتجمعوا علي ويحطوا اشياء بالمغذي تهدي الطلق ونبض النونو ضعف والدكتورة تدخل يدها توسع لي وتقول لي ادفعي مع كل طلقة عشان يتوسع الرحم وماتحولني قيصري وطول الموضوع مره وهي يدها جوا وانا ادف مع الطلق 😩
طلع ان الطلقة توقف الدم ولما ماوقفت كانوا حيحولوني قيصري بس ربي سهلها ودفعت لين وصل ١٠ سم وودوني كشك الولادة وبدات عملية الدفع يالله الحمدلله ودفعت وخرج بعد كم دفعة
الحمدلله على كل حال لو بوصف احساسي الآن احس بخوف البكريات 😩 لكن كل ولادة تختلف لحد يعتمد على تجربة غيره ولادتي الاولى كانت تجنن سهلة وميسرة الحمدلله لكن هذه تعسرت والحمدلله على كل حال
💝🎁🎉💐تباشير الخير ال18 لمواليد سبتمبر واكتوبر عام 2020💐🎉🎁💝
متابعة النقاش، صفحة 70