التجمع ١٦٠ للمقبلات على الحقن المجهري واطفال الانابيب

الحمدالله يااااارب♥️
مبروووووك والله يتمم لك على خير وتسمعين نبض البيبي💘💘

هلا سحاب
ابدا سولي التنشيط شهر ٧ جولاي من بدئت التنشيط وانا ممتنعه عن الكافين
من ثالث يوم في التنشيط الدكتور لاحظ انو بداء معاي فرط نشاط المبيض وسرت اضرب كل يوم ٣ ابر الساعه ٧ الصباح و ١٢ الضهر و ٧ المغرب و ماكنت اقدر اتحرك بطني مرا انتفخ قالي حيسحبو و يجمدو وطول هذيك الفتره و انا اكل فاكه اناناس فروله بطيخ 🍉 و كنت اعطش مرا و اشرب مويه
سحبولي وعلى طول كتبولي حبوب حقت الهرمونات كل يوم حبه ١٠ ايام. الحبوب الي تنزل الحليب
و بحكم دوامي في الحضانه كل يوم اخلص ٩ الف خطوه باليوم و ارجع البيت كمان اطلع امشي نص ساعه
و ماشيه على نظام اكل كل ٣ ساعات لو تمره ولازم شوفان كل يوم
و زوجي كل يوم لازم رز ولحم. و انا اعبي صحني سلطه بس اكل معاه عادي وكل يوم اشرب من كاسه جغمه بيبسي عن نفسي 😂
بعدين كتبولي حبوب منع حمل شهر ٨ اغسطس كامل
و من بداية شهر ٩ سبتمبر وانا اخذ استروجين كل يوم ٣ حبات و بدئت المثبتات من قبل الترجيع ب٥ ايام في العضل و مستمرة عليها احس هيا اكتر شي فادني. عادي اخذها في البيت زوجي يضربني هيا
فضلت على نفس نظام الاكل و المشي بس زدت حبوب فتمينات الحمل
و من يوم ارجاع الاجنه و انا مسدوحه و اكل
اكلت برقر 😅 و بيتزا و بروست لانو كنا جلسين في نفس البلد الي عملت فيها العمليه
عملة العمليه الجمعه و رجعنا بلدنا الاثنين في الخط كنت جالسه في السياره مددت الكرسي شوي الخط كان ٤ ساعات
كنت احرص كل يوم اني اكل فاكه تفاح و خوخ و خيار
من وصلت بيتي كملت تسدح بس وقت النوم اتقلب يمين و يسار عادي و وقت الاكل اجلس على السرير عادي بس بقين الوقت اتسدح بس راصي مرفوق اتفرج تلفزيون .
وزوجي يوم سولنا شيكن بتر و مليان بهارات 😅و يوم ثاني سوا دجاج تكا مشوي و مليان بهارات و انا يدي على قلبي و اخر يوم سولنا حووشي برضو مليان بهارات 🤦🏻‍♀️. بس الصبح اقوم بنفسي اسوي فطور بيض و احط معاه سبانخ كل يوم
ما تحممت ابدا بس مسحت جسمي بمنشفه ابلل المنشفه مويه حاره و صابون جسم و اعصرها مزبوط و امسح جسمي سويتها مرتين
في الوضوء ما ارفع ارجلي ابدا
وقت الصلاه اصلي واقفه و اركع عادي بس وقت السجود اجلس على الكرسي
وكل يوم اشرب كوب الياف وراه كوبين مويه
و لمن اشتهيت قهوه شربت قهوه امريكي منغير كافين
صح كمان كنت كل يوم اكل دونات 🤦🏻‍♀️
بعد السحب كان وزني ٧٤ نزلتو الين ٧٢ بعدين من الابر و الحبوب يوم الارجاع وزني كان ٧٧ و رجع نزل ل٧٣. اتوقع كانت مويات
كمان مع ابر التثبيت مرا اعطش كل يوم اشرب لترين مويه.


بس لازم تعرفي انا كان عندي تكيسات زمان اتوقع هيا السبب انو سرلي متلازمة فرط نشاط المبيض
غير كدا حيونات المنويه حقت زوجي مجمده من ٢٠١٢ في امريكا لانو هوا اتعالج من السرطان في امريكا فطلب تجميد ماعندنا مجمد حيوانات غير ٤٠٠ الف
استخدمو ربع من انبوب واحد من اصل ٤ انابيب
اخدو مني ٢٨ بويضه الي اتخصبو ٨ الباقي الحيوانت المنويه كانت ميته ماعاشت
و بعد تحليل الكروموسومات طلعت بس ب ٣ اجنه
انا عمري ٣٠ سنه و ماعمري حملت قبل كدا هاذي اول مرا
و ان شاء الله معلوماتي تكون وافيه و تستفيدي منها

الف الف مبروك ربي يبارك لك ويثبته ويقر عينك فيه ياحي ياقيوم❤️❤️❤️

لا ما جرّبنا عشان كل الأطباء قالوا نفس الكلام انها مؤلمة و متعبة و احتمال مكان الي يضربوا فيها الخزعة ما يكون في حيوانات عشان كل خصية اظن ياخذوا منها خمس خزعات فقط . ممكن يكونوا الحيوانات في مكان ثاني ، القصد ان نتيجتها ما هي مضمونة . احنا مجمدين حيوانات احتياط .

ماشاءالله تبارك الله
ربي يتمم عليك ويقر عينك بسماع النبض وجميييع البنات اللهم اميين