🎉🎊تباشير الخير الـ١٩ لمواليد سبتمبر واكتوبر لعام ٢٠٢٠🎊🎉

ام صبا وجريحه. اكثرن من قول.
لاحول ولا قوة إلا بالله والله انها زي السحر لأستحابة الدعاء والفرج والمهموم وكل شييييي
وسورة الزلزله

الله يسهل امورج يارب
دام نزل الماي بإذن الله قربتي

مساء الخير حالي كما هو طلوق كانت قويه بس من ٣ ساعات صارت اخف زكل ساعه والله اني في هم
حددو عمليه ومحتاره اجلس في الخاص او اروح الغسكري طالما عمليه
وخايفه منها والله ابكي وحالتي حاله

اكشن ولادتي
قلت لكم اني سويت تحريض عند مستوصف بالقوة وبدأ معي طلق من ٨ العشاء الين ٣الليل ونمت وصحيت اليوم الثاني مافيني شي
وعزمت اهلي عندي الاربعاء ومن بعد المغرب بدأ معي تحجر وكل شوي وبعد ماراحوا اهلي انسدحت ع الساعه ٤ الفجر انتظر للصلاة والتحجر خفيف معي وصليت سنة الفجر وبعدين دعيت بتيسير الولادة والخلاص
وصار يجيني تحجر مع ألم خفيف وحاولت انام ماقدرت من الالم وقمت تروشت وتنظفت وجدلت شعري والالم موجود يروح ويجي كل ربع ساعة الم دورة مع تحجر الين الساعة ٧ وامسح بالمنديل الا ينزل دم وجلس معي الالم يروح ويجي واكل تمر واردد الحوقلة الين الساعة ١١ ونص حسيت بدأ الالم يقوى شوي واصحي زوجي وع طول ع المستشفى دخلت ع الساعة ١ الظهر وركبوا لي التخطيط الا الطلق ع ١٠٠ كل عشر دقايق وفحصوني قال الدكتور ٢ سانتي اطلعي وتعالي بعد اربع ساعات قلت لا ماني طالعه كل هالالم واثنين سانتي طلعني تنويم قال خلاص بااكتب لهم انك ٣ سانتي وطلعت كوشك الولادة ع الساعة ٣ واعطوني اغير ملابسي وفتحت موية الراس وانا في الحمام وانا ماادري انها الموية وانسدح ويركبون لي التخطيط ع ٣ ونص وتركوني وراحوا والالم يزيد كل خمس دقايق ع الساعة ٤ ونص جت الدكتورة تفحصني قالت فتح ٩ سانتي والموية انفكت يلا ع كشك الولادة وادف مرتين والثالثة طلعت بنيتي ع الساعة ٥
حكمة من ربي اني ماسمعت كلام الدكتور وطلعت كان ولدت في السيارة
كانت اسهل ولادة في ولادتي
الحمدلله

مساء النور
عادي العملية ياقلبي الحمدلله اهم شي تطلع بالسلامة باذن الله

بخصوص الخاص او الحكومي انتي تقررين هالشي .. لكن حطي ببالك ان الحكومي مافيه زيارة نهائيا ولا مرافق ☹️