هل سبق ذهبتي لطبيب نفسي ...احكي لنا تجربتكً

جميل جميل لايفوتك، ويحتاج تركيز وفيه اختبارات لمستوى الاكتئاب عندك..


ان شاء الله أكمله قريب..

بس مختصر الكتاب انه للمكتئبين طريقه معينه في التفكير ممكن تكون قليل منها او غالبيتها او كلها معاك، ابهرتني هالنقطه لقيت عقلي يفكر بطريقه مكتئبه وهالشي يأثر ع المزاج وعلى كل شي حولك 🥺..

التقلبات المزاجيه ممكن تعتبر عاديه لكن لما تكون مزمنه ودائمه احتمال بعد فتره تسببلك اكتئاب عميق..

انا مثلك كنت مزاجيه في البدايه ومااعرف ليش الكتاب حط النقاط ع الحروف وهي بكل بساطه بسبب طريقة التفكير..

الله يسعدك 😘❤️

تجربه ناجحه ولله الحمد..
أنا مااستعنت بالدواء فقط كنت ادعي ولما اخذ الحبه استودع نفسي الله من آثارها الجانبيه..

في البدايه كنت خايفه جدا من أخذها بس بصراحه كانت لي الحل الوحيد لاني دخلت في اعراض كانت تعيق سير حياتي وانا زوجه وأم والكل معتمد علي بعد الله في البيت..

علشان كذا استعنت بالله وأخذتها، وغيرت مزاجي تماما لله الحمد..
رجعتني لمشاعري وانا في الثانوي لاهموم، اضحك بسرعه ونفسيتي منشرحه..

صرت استسخف الأمور اللي كنت اراها عظيمه واتوقف عندها كثير..

نفسيتي تحسنت عليها بنسبة ٨٠٪ بدون مبالغه..

والحمدالله بفضل من الله آثارها الجانبيه كانت بسيطه علي،

وهي ماتسبب إدمان على الإطلاق..

كل الحكايه انه هالشعور الجميل اللي تحسيه يرجع مع الحبوب تخافي انك تفقديه لو تركتيها..
هذا اللي خلاني اتردد كثير في تركها..

بس لازم نعتمد على أنفسنا في النهايه ونقوي ذاتنا في مواجهة المشاكل والضغوطات..
وبعد تركها بدأت ترجع لي بعض عاداتي الاكتئابيه لكن حاولت محاربتها بنفسي..

الحبوب نعمه من الله لكل مريض،
بس لازم تحت إشراف طبي في أخذها وتركها وبرضو لازم تكتسبي عادات تحاربي فيها الاكتئاب وتصيري اوعى لنفسك..

يعني الحبوب نفسها لاتكفي لو استمرينا بكل عاداتنا وطريقة تفكيرنا في الحياه..

ماهو المشكله هالعالم غامض
ماندري مدى ثقتنا بالاطباء الموجودين حاليا
اكيد اذا بروح ماراح اقول لاحد وخاصه امي

حفظك الله لبيتك ولأبنائك عزيزتي،
و بصراحة ماشاء الله لا قوة إلا بالله على شجاعتك وقدرتك على تجاوز الأمور رغم انشغالك ومسؤوليتك على بيت وأسرة.
شخصيا أشعر أحيانا بروتين العمل يقتلني وأنني لم أتغير للأفضل،والأهداف التي وضعتها لنفسي قبل 10 سنين حققت منها الربع فقط وهذا ما يسبب لي الاحباط الأقرب من الاكتئاب ،والغضب من نفسي أحيانا .
إن أمكنني زيارة أخصائية نفسية أو كوتش لمساعدتي على تصحيح بعض الأمور في حياتي فلن أتردد؛ فربما رؤية الأمور من زاوية مختلفة قد تصحح مسارها للاحسن .
شكرا على مشاركتنا تجربتك 💐😊

لاحظت بنفسي بعد الثلاثين اني صرت مع الدوره الشهريه حرفياً اتجنن..

وسبب من أسباب اخذي للحبوب نفسيتي مع الدوره الشهريه،
وراجعت دكتوره نسائيه وللأسف مافي حلول للموضوع سوا مضادات الاكتئاب..

اكتئاب ماقبل الدوره مرير للي جربه 😭..

بس صرت مؤخرا لما اعرف الدوره قربت ماأعطى المواضيع اهميه كبيره واقول اذا نزلت برتاح انتظري وبطلي دراما..

اول شي شيكي على فيتاميناتك يامتفائله فيتامين دال بالذات نقصه يتعب..

شيكتي وكل شي تمام، روحي شوفي طبيب او طبيبه وتكلمي معاهم وشوفي هل الوضع يستدعي فعلا حبوب؟

وكل انسان ادري بنفسه وحاجاته، انا وصلت لمرحله معيقه لي في حياتي..
كانت تجيني نوبات هلع ولخبطه وعصبيه ورجفه اتعبتني كثير..

اذا الموضوع فعلا تحسبه مُعيق لحياتك لاتترددي ابدا في استشارة طبيب واخذ حبوب تريحك..

كتبت تجربتي للاخت سكارليت مع الحبوب بتفيدك..

الله يشرح صدرك يامتفائله وصدقيني "فتره وتعدي" ❤️