الولاده بزمن كورونا

@knaf_moz عضوة جديدة

السلام عليكم بنات حابه اسال اللي حملت هالفتره وولدت بزمن كورونا هل صحيح ان المستشفيات الحكوميه ماتستقبل سمعت ان المراكز الصحيه تحول ع مستشفيات اهليه ع حساب الحكومه اجباري انا طبعا عادتي اولد بمستشفى الشميسي حتى مراجعاتي لان عندي ضغط اراجع عندهم بس الحين مركز صحي بالله اللي ولدت تقولنا كيف وهل كان افضل ولا قبل افضل وشكرا لكم طبعا اتكلم عن اللي يولدون بمستشفيات حكوميه وش صار معهم بوقت الازمه

5 تعليق 715 مشاهدة

0 0

شاركي في النقاش

سجلي الدخول لإضافة تعليق.

التعليقات

5

  1. @smahr_alshhry محررة ذهبية

    #101562150
    انا ولدت شهر 8 الحين ذا اللي راح ب كورونا بس ممنوعين من الزياره والحين حامل واراجع بنفس المسشتفى الجامعي يعني روحي اذا عندك ملف ف المستشفى يستقبلوووون

  2. @knaf_moz عضوة جديدة

    صاحبة الموضوع #101563232
    سماهر الشهري
    انا ولدت شهر 8 الحين ذا اللي راح ب كورونا بس ممنوعين من الزياره والحين حامل واراجع بنفس المسشتفى الجامعي يعني روحي اذا عندك ملف ف المستشفى يستقبلوووون
    هلا اختي سماهر مافهمت عليك قصدك اروح وقت الولاده لهم انا باقي علي الحين تقريبا في الرابع بس ع ماسمعت انهم يرفضون اتابع عندهم بس اتابع في المركز الصحي وهو اللي يحولني ع الخاص ع حساب الحكومه

  3. @aasfor_alshab محررة ذهبية

    #101563514
    لا مو صحيح
    انا اراجع في حكومي مواعيد في وقت الحجر للحمل السليم بالتليفون يتصل عليك الطبيب


    لكن انا حملي فيه مشاكل كنت اروح مواعيد واشعه وتحاليل عادي

  4. @sgayaa34 محررة ماسية

    #101563926
    انتي روحي للمركز الصحي وشوفي وش يقولون لك أفضل..
    لأن بصراحة انا ما أروح للشميسي فما ادري عن نظامهم الحين.. وممكن تتصلين على ٩٣٧ وتسالينهم عن الشميسي..
    وتقدرين تروحين لمستشفى حكومي ثاني مثل اليمامه أو الملك خالد الجامعي أو مدينة الملك فهد.. شوفي وش الأنسب لوضعك.

  5. @sgayaa34 محررة ماسية

    #101563938
    كنافة موز
    هلا اختي سماهر مافهمت عليك قصدك اروح وقت الولاده لهم انا باقي علي الحين تقريبا في الرابع بس ع ماسمعت انهم يرفضون اتابع عندهم بس اتابع في المركز الصحي وهو اللي يحولني ع الخاص ع حساب الحكومه
    لا تجلسين إلى وقت الولاده.. افتحي ملف متابعة حمل في المستشفى اللي تبغينه وخليهم يسوون لك ملف متابعة اضمن.. احس صعبه تجلسين لوقت الولاده ومافتحتي ملف بيقولون انتي مو تبعنا

تابعي تجارب أخرى من هذا القسم.