🎈🎈تباشير الخير الـ٢١ لمواليد سبتمبر و اكتوبر لعـــ٢٠٢٠ــــام🎈🎈

يقلبي الله يرزقك فرحة تدمع لها الاعين وتجين تبشرينا يارب

بنات قررت افضفض عادي حتى لو مارديتوا اهم شي اطلع اللي في خاطري 😔
انا صار لي شهر الخياطه الداخليه ماطاحت وهالشي ازمني طبعاً لمستها احس رعب بسالكم وحده من الشفرات مخيطينها عادي احس لاعبين في الدنيا💔
شي ثاني زوجي احس ماعاد لي خاطر عليه كله اصرفه اذا اتصل اقول برجع اتصل فيك ولا اتصل اشوف اتصالاته مارد عليه اليوم قال باقي كم يوم وترجعون لي هاوشته قلت انا ماحسيت لنفسي انت تحسب ليش للامانه صايدني خوف من الموضوع اللي خبركم 🤕🤕
قلت بنحجز فندق نطلع البنات قال لا بنروح احنا والصغيره والتوأم خليهم كنسلت السالفه وقلت مب لازم وخلاص اذا بناتي مب رايحين
ثالث شي الرضاعه وايد تأزمت مع بنتي كله تبي ترضع وترضع لين ترجع تكرمون دخلت الصناعي وبقوه لانها اغلب الوقت قاعده وطول الوقت تبي نشيلها اضطريت ادخل الصناعي علشان اريح شوي لانه بدون مبالغه ساعه متواصله مانام منها اذا طلع النهار امسكوها وخلاص اذا صلحت نعطيها صناعي واذا جاء اكلي والله ينقع الاكل في الصحون ساعتين لين تخلص هي وبعدها اكل نومي مخربط وآكلي مخربط حتى بناتي نومهم تخربط
المفروض اني اسوي ليزر والله ماخذيت موعد احس ماقدر اطلع من البيت ابي اروح صالون ماقدر احس المسووليه زادت علي
ابي اروح السوق اتشرى ملابس جديده
وآخر شي وحده من الخدم قالت بتسافر هي خلصت عقدها من رمضان وقالت بقعد لين تولدين وولدت ويلا حنه ورنه وحجزت لها طبعاً الاستقدام مسكرينه اتوقع لين نهاية السنه والموقت ماحبهم صراحه وزوجي رافضهم علشان موضوع يوم الاجازه اللي يطلعون فيه
احس اني مخربطة 💔💔

الله يكوون بالعون
كان طلبتي تحريض طيب واتوقع اللي نزل معك السداده

مدري شفيني اليوم اذا تذكرت الولاده اخاااف 😩 وبنفس الوقت خايفه اروح ويقولون المويه ناقصه او شي للان مافي اي بوااادر ولاااده يارب تفرجه بوقته بيسر وسهوله علي وعلى خواتي 🥺

ام صبا اشفطي وخليه بالثلاجة كل ماتحجر والافضل كل اربع ساعات تشفطين علشان ماينشف الحليب

ام سعد اللي تمرين فيه جدا طبيعي
انا هذي حالتي بالنفاس وحتى لما طلعت النفاس بولدي اذا سيرت على اهلي وجيت بروح لبيتي طول الطريق صياح دموووع ودخل بيتي وفيني ضيقه الدنيا واصيح واشاهق قدامه بدون سبب بس ضيقه حتى هو انفجع 😩
صرت اشغل القران دايم واقراء واذكر الله واهدي من نفسي والحمدلله مع الايام راحت ..


بخصوص الخياط غالبا المخايط الداخليه تذوووب من حالها ماتطيح واذا انتي حاسه فيه شي مو كويس تبخري من تحت بمره ممتازه .. ولا تخافين من هذاك الشي مافي شي تغير كلنا ولدنا طبيعي وماصار الا كل خير 💖
استرخي واستمتعي بوقتك ويومك الحمدلله عندك امك تقدرين تطلعين تغيرين جو مع زوجك اطلعي اشتري ملابس جديده غيري لوكك تتغير نفسيتك صدقيني الكبت من النفاس مانطلع ولا شي نكتئب ..