التجمع الحادي عشر لحوامل مواليد مـــ3ــارس & ابــ4ــريل لعــ2021ــام

السلام عليكم ورحمه الله وبركاته
بنات أسألكم انا الحين بالاسبوع١٧ احس بضغط تحت صح عندي ولد بس ناسيه الحمل عمره خمس سنوات ولاذكر شيء ي بنات مو بدري على الضغط ويمكن عشان نزول المشيمه بعد واحس باليسار بس يعورني مثل شعور الغازات او الشد اذا قمت وتحركت طبيعي؟ ممكن يكون قولون؟

وعليكم السلام ورحمة الله وبركاته
أنا زيك بالضبط .. بس إني بالاسبوع ١٢
من بداية الحمل وأنا أحس بالشعور هذا اليسار وغازات والم فجأة بس محتمل ..

القشر ضروري عندي دايما يجنن يحافظ ع وزنك

قريت بالتجمع الي سبق لهم الاجهاض وان نفسيتهم دمار والله مالومكم انا اجهاضين وعلى اعصابي بهذا الحمل الشعور موزين وصدق احس الي تجهض يبغالها عنايه نفسيه اسوء شعور ممكن يمر على الحرمه بحملي اول اجهاض كنت ماابغى الطفل لان ولدي صغير بس بعد الاجهاض بكم يوم جتني حاله بكاء غريبه واكتئاب بسيط واهملته وطنشت واخذت سنتين يجيني الم تبويض شديد بجهه وحده واكل بروفين ويقولون عاذي يصير عند حريم كثير بعد الاجهاض ولكن تطور وثار اكياس فوق المبيض وانفجرت ودخلتني التنويم ٧ايام صخونه وساءت حالتي جدا بعيد عن اهلي وناسي وولدي وزوجي لحالهم وقالو ان ممكن تجيك مضاعفات ولا تحملين وخوفوني وقعدت افكر وافكر ودخلت بداومه حزن واستمريت على العلاج شهر مضادات وبعدها ب٧شهور حملت و وكنت مبسوطه واجهضت بعد وجاتني حاله سيئه جدا جدا صرت مااداوم الجامعه ولا احتك بالناس ولااخالط ومنعزله حتى الحديقه ماروح لها وحالتي سيئه ولادري وش فيني بعدين قريت عن الطبيب النفسيه عندنا بالجامعه ورحت لها وكلمتها وقالت عندي اكتئاب وقلق وحملي هذا على اعصابي والي ابي اوصله ان لاتتركون انفسكم ي بنات اي وحده عندها مشاكل نفسيه تساعد نفسها وتطلب المساعده اي مرحله سيئه لك لاتتركين نفسك ساعديها

مرحبا سجلت في المنتدى بسبب هذا الموضوع انا بولد برمضان وخايفه مره محد بيكون فاضي لي 😢