خالة زوجي ..

دام مو بااسم زوجك فاخلاص
المفروض تكونين عارفه ان الشيء هذا بيصير
راح تجي عندكم بالشقه مثل وضعها قبل
انتم اخطيتوا من البدايه ولااحد ياخذ شقه من حرمه وقريبه
كذا بيصير انها تمون
وزياده رممتوها وصلحتوها ليش
ياانكم تشترونها وتكتب بااسمكم
بعدين تكلمي معه بهالموضع اذا راحت
يااطلعوا وش تسوون قولي ماارتحت او اي عذر
لاكن تقولين فيه غرفه زايده
هذي ضبطوها لها بدولاب وسرير وقسموها قسمين
غرفه تخزين ولها اذا جت
لاتصير فيها حوسه وكراكيب
واذا راحت رجعي مواعينها وش تسوين
الحرمه الكبيره لا بغت شيء خلاص يصير
تحملي وش تسوين دام مو بيتكم
واللي يجون زوجك يقوم فيهم
لا تكلفين على نفسك وهم بيعرفون وضعك وان عندك اطفال
وخلاص عرفتي وضعك تااقلمي معه
وش بيدك تتمشكلين مع زوجك عشانهم

ماهو من حقها تعزم احد في بيتك
وقولي لزوجك يشوف حل
لزم تكون لك خثوصيتك وانتي سيدة البيت
وهي تروح عند ام زوجك دامها اختها
والباب غيروا كالونه
وقشها ياخذه يوديه عند امه
هذ الصح

جزاكم الله خير الله يسعد كل وحده ردت علي
قسم بالله ضايقه جدآ بس الحمدلله زوجي معي ولما قلت له عن المواعين قال ماعليك منها قولي المواعين جديده عندك مايحتاج القديم ولا انا اكلمها لك وقلت له لااا بس انت افضفض لك لاتقول لها شي
امس جت كانت رايحه السوق وزوجي معزوم على العشاء وجت وانا اسوي لبناتي بطاطس وساندويش واجهز رضاع الولد
قالت لي ليه انتي متضايقه مني قلت لا ياخاله بس ماتوقعت بتجين الحين وزوجي بيتعشى برا وبعشي البنات وانتم
قالت انا اعرف فيه بنات يحبون لحالهن لهن بيوت بس هذا البيت من قبل لاتجيننه وحنا نجيه ،، وبيوت عيال اخواني مليانه الديره ونرجع وكل شي جاهز قهوه وعشاء ولكن الحريم هناك مايخلنا ع راحتنا
عجزت افهمها طنشتها ورجعت غرفة بناتي مع البطاطس 🥔 والحليب
😭😭😭😭

اشتغلي على زوجك وبس ، ولا تتعبين نفسك بخدمة خالته ،
خليه هو ينزعج وهو يكلم امه تكلمها ، لو فتحتي فمك قبل لا يصير البيت باسم زوجك بيقول هذا بيت امي وهذه اختها وبكيفنا ،
اهم شي زي ماقالت عضوة البيت الحين بيتك انتي
يعني ترتبين بمزاجك تحطين تشيلين بمزاجك
انتي ست البيت انتي تتحكمين فيه ،
يوم كان البيت فاضي عادي تاخذ خالته راحتها ، لكنك الحين ساكنة فيها وهذا بيتك ماتقدر تستمر على نظامها القديم عيب ،
اصلا هي قليلة ذوق يوم تجيك عيني عينك تقول لي متضايقة ، طبيعي تتضايقين ، ثم تقول لك هالبيت من قبل لا تسكنين هذا نظامنا ! وش قصدها يعني ماهي ناوية تبطل هالعادة ؟


شيلي مواعينها واغراضها وخلي زوجك يقول لها تاخذ مواعينها معها ، خليها تفهم منه يمكن تحس على دمها


مادري الناس قليلة الذوق هذه ليه ماتستحي ،

المفروض ام زوجك قالت لها خلاص الشقة بتصير لكم عشان تفهم... وذحين دور زوجك يكلم أمه بهذا الخصوص انه لما دخل ورمم خلاص قصدكم لكم خاصة ماعاد تستقبلون احد الا اذا كان فيه اتفاق بين زوجك وأمه بخصوص خالته وانت ماتدرين ممكن قالت له مانقدر نردها ومابتجي الا فيه.. ووافق زوجك..