خالة زوجي ..

شوفي البنات متحمسات يدلونك على حل بس هذي مو جاره ..ولامعرفه
تقدرين تتصرفين أي تصرف خصوصاً باين زوجك يبغى يمشي الوضع بأي شكل
ولا الحل انك تكلمين ام زوجك ..لاتتورطين بين الحريم هذي مهما كان اختها يعني على الأكيد بتكون بصفها ويمكن توصل للعناد معك
الحل بين زوجك وأمه ..ومن أساس ليش تتركون غرفة ضيوف وإنتم عارفينها تجي إقامه مطوله ...هل ممكن تلغون غرفة الضيوف أو تستخدمونها
خصوصاً ان زوجك مو محرم لبناتها ..يعني إقامتها عندكم غلط
الحل إستعيني باالله واطلبي منه الفرج ..لعل تجي منها وتغير مكان إقامتها
او ام زوجك تكلمها
المهم لاتتصرفين تصرف يحرج زوجك مع أمه وخالته
لأن لو هو شخصيته تقليديه بيوقف ضدك

مع احترامي والله لك ولزوجك زوجك عاجبه الوضع ولا لو واحد ثاني مايرضى بنات خالته قاعدين معه في بيته وراضي وعادي... كل هذا عشان أمه ماتطلعه من البيت... لازم تطنين على زوجك يايطلعهط بطريقته ياانتم تطلعون.. اقلها يكلم أمه أنه مايبغى قعدتهم وعيب وانه ماياخذ راحته في بيته وهم موجودين ويصر عليها انها تكلم اختها... ولا تعزيه خالته خسايره في البيت وتطلعون منه

خالت زوجك مسويه انها قويه تتستقوى عليك قبل ماتستقوين عليها

قسم بالله اسعدني رد البنات علي 😭بس مشكلتي ماني عارفه كيف اتصرف قلت لزوجي على تشرهه وكل شي قال مالها دخل ادخلي بعينها وقولي هذي اغراض المطبخ والي عاجبك استخدميه لا تجيبي القديم من المخزن ..

هي الغرفه بالاصل غرفة الحريم بس للان ماطلع الكنب من التفصال انا تو سكنت مالي شهر ودخلته وهو ناقص وفصلنا واخترنا الغرف وكل شي
وام زوجي ماقدر اكلمها اخاف تاقف مع اختها مثل ماقلتي

انا قلت اصبر لين تروح واقلب البيت ماخلي لا غرفه للضيوف والمخزن ارميه

اتصلت على وحده بالحاره زوجي علمني عليهم ناس ماتلقى قطعت الخبز ولا اثاث ولا شي
كلمتها قلت لها عن المواعين اذا تحتاج تجي تاخذ مني بس مستخدم وفرحت والله وقالت لااا ترميهم انا بحاجه قدر اطبخ عليه تقول بيتها فاضي واتفقت معها لما اتصل عليها مره ثانيه وانا انتظر خالة زوجي تروح

والله اعرف البنات ماقصرو وعطوني حلول بس افضفض من الهم والقهر 💔😭😭

لا ترمين الاغراض الي بالمخزن ترا كل شي بينقلب عليك بدل مايكون الحق معاك بيصير ضدك حاولي بزوجك يتدخل ويحل الموضوع الله يكون بعونك ويسهل امورك حبيبتي