استفسار بخصوص اطفال الانابيب

اهلين بنات اخباركم عساكم بخير يارب

انا عندي تكيسات مبايض وزوجي سليم و متأخره ١٠ سنوات عندي سؤال حق الناس الي سوت انابيب

انا سويت اول موعد لي في مستشفى سمير عباس الخبر عند دكتوره اسمها غزاله هنديه

في شي مو داخل عقلي ومتخوفه منه خصوصا ان العمليه مكلفه جدا جدا وزوجي قال نسويها مره لو ماتضبط مافيه نعيدها ماقدر ادفع

والي متخوفه من ان من اول موعد لي في المستشفى وكان ثاني يوم الدوره سحبو مني دم حق تحليل الهرمونات ودخلت عند الدكتوره سوت سونار داخل الرحم وقالت عندج تكيسات واجد ووصفت لي بودره تحسن من البويضات وابر اخذها في البطن وقالت ابدي فيها من اليوم ماطلعت الا معطيني ابره في بطني وبودره فيتامينات تحسون طبيعي يبدون يعطوني ابره حتى قبل لا يشوفون نتايج الفحص وزوجي مابعد يحلل السائل المنوي

الي سوو انابيب وخصوصا الي مثل حالتي متكيسات وازواجهم سليمين

كم خذت منكم العمليه من تجهيز البويضات وتنشيطها وسحبها وترجيعها خذت منكم
شهر,شهرين, ثلاثه ؟؟

الله يخليكم افيدوني ميته خوف احس الدكتوره مو فاهمه وتصرفها ارعن ومستعجل اخاف الفرصه تروح مني زوجي ماراح يسويها ثانيه وامنيتي اكون حامل 🙏🏻😭