بنت أختي مملّكة؛ تشوفون تصرف زوجها طبيعي؟!!

بنت أختي جميلة ما شاء الله ، متملكة الحين صار سنة و٦ شهور ..
طبعا زوجها شافها وقت الملكة ولبسها وجلسوا ساعة يسولفون مع بعض بحضور امها وامه..
قال لها وش تخصصك قالت ما انقبلت بالجامعة
وقال لها : ان شاء الله تكملين وانا داعم لك ووو ..
المهم فترة الملكة اخته راحت تسولف مع بنت اختي (عروستهم) وتقول لها احنا حابينك ونبغاك ومن هالكلام وترا اخوي اوبن مايندد .. يعني مو متشدد وكذا ..
المهم ومربط الفرس وبيت القصيد في السالفة كلها ، تخيلوا:
الى الآن ما كلمها ولا اخذ رقمها ولا شيء ..؟
وطولوا على بال ما حددو الزواج .. ملكوا وبس سحبوا

توهم يحددونه ( شهر ٥ هجري الجاي ) ..!!


وفترة الحظر يعني حتى ما قال طفش وكذا اكلمها واتعرف عليها
وهي يا عمري ودها يكلمها عشان تتعرف ع شخصيته ..
لان خواتها ثنتين قبلها ملكتهم كانت احلى ايام
هدايا ومكالمات ومرررا فترة جميلة بحياتهم
هو عمره ٣٠ وهي عمرها ٢٣ وهو مدرس وظيفته!


الغريب ف الموضوع ما جاه فضول ، لان معروف فطرة ف الرجال كلهم يكلمون .. بالعكس يموتون وينهبلون ع المكالمات والحريم!!! خصوصًا رجال هالوقت عاد ..
غرررررررريب امره صراحة
تشوفونه عادي؟