🧁تباشير الخير (٢٢) لمواليد سبتمبر & اكتوبر لعام ٢٠٢٠ 🧁

يارب لك الحمد
كل شي تمام
الدم ١٢ بفضل الله🤲🏻
وموية البيبي كويسه
و وزنها ٢٨٠٠ وعمرها بالسونار ٣٦ اسبوع و ٣ ايام يعني اقل من حسبتي ب٣ ايام مو ذاك الفرق🤔
والنبض كويس والحركه و المشيمه كله تمام
زوجي يقولي اسألي عن الجنس قلت خلاص قال الا قلتلها اش جنسه جلست تحاول فيا و رجلها مقفله لييين صادتها وقالت بنت قلتله خلاص ارتحت ثالث مره اقولك بنت😂😂

و المسحه نتيجتها بعد ٣ ايام
قلتلها كيف انا جايه من مكه قالت طيب اتصلي عالعياده بعد يومين واقولك واذا يحتاج علاج اقولك هوا تروحي تاخذيه
ماحاخذه لو احتاج😅 لكن بحاول اعالج بالطبيعي و ارجع لها
قلتلها مو حابه اخذ مضاد وقت الولاده اذا اقدر اعالجه قبل الولاده افضل قالت تمام

يوه اخذت الرشاد بس مو منتظم يمكن مره او مرتين

انا متعوده على الامساك من اول فيني بس هالمره بعد ماجاني بواسير صرت وانتي بكرامه اخاف ادخل دوره المياه و تطلع لي

فعشان كذا اضطريت اخذ الملين حقهم لين اشوف لي حل او لين تحتفي البواسير 💔😔

مساء الخييير
مبرووووك حصوص وحنين وامنييه والحمدلله على سلامتكم 😘


بنات نسيت اقولكم نصيحه اعملوا طريقه التنفس رولاقطامي اثناء الطلق شمي ورده وانفخي شمعه مره مره ممتازه الطريقه يساعد بفتح الرحم ويخفف الالم نفعت معاي مره الحمدلله


انا الحمدلله طلعت من المستشفى مع بنوتي اليوم الظهر وارتحت عند امي حبيبتي 🧡
بس بنات احس بدوووخه كل شوي حتى وانا منسدحه احس بدوخه وتنميل ! مادري وش السبب ؟ احد تجيه الحاله بالنفاس ؟ مع انهم اخذو تحاليل وماقالو شي ! وكان الضغط ينخفظ شوي بس مانبهوني عنه مره !!

مسا الانوار
الحمدلله على خروجك عقبال خروجك من الاربعين
طريقة التنفس كثير يمدحوها👍🏻👍🏻
عالاغلب انه فقر دم وطبيعي بعد الولاده يكون دمك نازل
ارتاحي وعوضي بالسلطات قد ماتقدري
وامورك طيبه بإذن الله👍🏻
انا بعد الولاده يجيني فقر الدم و هبوط و دوخه وكتمه و اول مايرجع الدم لطبيعته يروح هذا كله👍🏻

بنات عطوني الخلطة الي تخلي البيبي ينزل للحوض ؟ 🥺