🧁تباشير الخير (٢٢) لمواليد سبتمبر & اكتوبر لعام ٢٠٢٠ 🧁

جالكسي طلت عليكم?

الف مبروووووك ي قلبي والله يجعلها من مواليد السعادة 💕💕

نادو ضياء والفجر وجالكسي والذبلانه
لازم تجلسو مع بعض وتفكرو كيف نحل الامور 😁

والله انا جربت حراء
ماعجبوني لكن في ناس تمدحهم
ماعندهم ولاده بقص نهائي حتى لو البيبي شق وعدم يخلوه يعدم و هما يخيطو الشق الي سببه البيبي
الا اذا بكريه سمعت انه البكريه يشقولها لكن الي سبق لها ولاده ابدا
الشي الثاني الي ولدتني متدربه ماعندها اسلوب نهائيا
غير المتدربات الي كانو معاها في الغرفه ضحك وطقطقه
غير اني كل شويه اناديهم يجو يطمنوني عالنبض كان الجهاز خربان تبع نبض البيبي
وكانو مبشكين برا الكشك ضحك وطقطقه
والمتدربه كانت يدها جدا صغيره وجدا مليانه متعبه في الكشف
وزادت عليا التعب ولا تتفاهم معايا نهائي
حاولت ارفض انها تولدني ويغيروها لكن رفضو
مامعايا جوال او حتى امي او زوجي ممنوع اي احد يدخل
اعطوني مسكن مره وحده وبعدها خلاص
هددتني اتحول قيصري صرخت في وجهي ماقصرت
كمية اجرام وهيا توسع بأياديها مع المشرفه من اسفل وقت خروج الراس
و غير انها تركت المشيمه و اخذت ولدي و راحت والكشك فاضي والسيب فاضي ماغير اسمع صدا صراخي لين ربي سخرلي ممرضه تجري على قروب المسخره يسحبو المشيمه
و بعدها انتظرت ربع ساعه تجي وحده من القروب تخيط الشق الي شقه ولدي امكن ولا سته غرز بس الحمدلله كانت تمام
وبعد الولاده تقولي قومي اجلسي عالكرسي المتحرك اوديك الاستراحه قمت جلست رحت للغرفه اتمددت فيها وشويه حسيت اني ابغى الحمام الله يكرمك قلت لها وين الحمام قالت هناك قلت طيب.. رحت لوحدي امشي السيب وانا ارجف وماسكه الجدار والممرضه تطالع من بعيد واضح عليا ممكن في اي لحظه اطيح لكن ربي سلم وصلت للحمام و رجعت مكاني
اقولها مافي فوطه ثانيه قالت بعطيك وحده وبعدها ماعاد في عندنا مسموح لك حبتين بس قلت هاتي
وخلاص هذي كانت اول واخر مره في الحكومي في مكه
ممكن غيري له تجارب طيبه ما اعرف بس هذي تجربتي في حراء الحكومي
والحمدلله عدت على خير
في ناس مستعده تتحمل هذا كله وماتشوفه تعب بس ابدا مو انا😥


اما المراجعات تمام زي اي حكومي

اوك😂😂