التجمع ال161للمقبلات على عمليه الحقن المجهري وأطفال الانابيب

وعليكم السلام
ذا المحلول مناعي يعني يقلل مناعتك شوي ع شان الجسم مايرفظ اي شي دخيل عليه ( الاجنه ) وهو سبب و مو كل الدكاتره يعطونه بس الافضل اطلبيه

ب النسبه لي دكتوري مايعطيني هو ابدااً والحمد لله تجاربي تنجح اغلبها

وراجعت مع الدكتور بندر اعطانيه واصر عليه بقوه وسبحان الله وكل تجاربي معاها مانجحت
ب النهايه هي اسباب نعمل بها والزرق عند الله

صبايا كل وحده تكتب لنا تجاربها وادويتها عشان نستفيد من بعض
وانا راح ابدأ
حالتي بطانة رحم مهاجره والتصاقات حوض شديده واكياس دم
سويت ٣ محاولات بعسكري الرياض
المحاولة الاولى
قبل بدء الحقن المجهري بثلاث اشهر اخذ ابرة ابرون شهريا
واخذ حبوب دهيا وكيو١٠ و فيتامين دال وحديد وهرمون حليب
وبعد ٣ شهور بديت حقن اعطتني الدكتوره منشط ٢ بودره و١ مويه ونص ابرة ديكابيبتيل لمدة ٧ ايام وبعدها اخذت الابره التفجيرية وسحبو ٤ بويضات تلقح ٣ فقط ٢ منها درجه كويسه و ١ درجه غير جيده ورجعت لي الدكتوره ٢ فقط الجيده ورفضت الثالث وقالت مانقدر نجمده وماصار حمل الحمدلله على كل حال
بعد الفشل الاول قررو لي منظار رحمي وطلعت عندي لحميه صغيره شالوها.
واستمريت ع نفس فيتاميناتي كيو ١٠ ودهيا وفيتامين دال وحديد ومجموعة فيتامينات وهرمون الحليب وزادت الدكتوره عليها حبوب غده
المحاولة الثانيه
بديت قبل الدوره باسبوع تقريبا ابر ديكابيبتيل وجيت ثاني يوم من الدوره وبديت تنشيط هالمره غيرت الدكتوره المنشط واخذت القلم جرعة ٣٠٠ وطولت عليه شكله مايجيب معي نتيجه ناسيه كم يوم بالضبط بس سويت سحب وسحبو فقط ٣ بويضات تلقح منهم ٢ ودقو علي من بكره وقالو تعالي الحين ترجيع جودتهم كانت غير جيده وقالت حنا نرجع بكل الاحوال مره رجعنا جنين واحد جودته سيئه وصار حمل وتوكلت على الله ورجعتهم والحمدلله على كل حال ماصار حمل طبعا محاولتي الثانيه كنت تعبانه البطانه المهاجره كانت نشطه وعندي اكياس دم واحس بألم شديد واصلا طول التنشيط وحتى وقت السحب والترجيع كان مع دم بني ينزل 😔 وتعبت نفسيا بعد هالمحاوله وبصعوبه رجعت لهم للمحاولة الثالثه غصبت نفسي كنت حاسه بخووووف من المستشفى طبعا كل مراجعاتي كانت بحكومي


المحاوله الثالثه
نفس فيتاميناتي دهيا كيو١٠ فيتامين دال حديد مجموعة فيتامينات متعدده غده هرمون حليب وعطوني ابرة ليبرون كل شهر لمدة ٣ شهور عشان توقف نشاط البطانة المهاجره والمفروض ابدا شهر ٧ هجري اللي فات لكن صار عندي ظرف واجلته لشهر ٨ وجات كورونا وتوقفت كل المواعيد واستمرو شهريا يعطوني ابرة ليبرون لحد ما وصلت لشهر ١٢ وبديت المحاولة الثالثه هالمره الدكتوره جمعت لي بين منشطين القلم ٣٠٠ والبودره ٢ و ١ ماء واستمريت عليه اتقريبا ٩ ايام وعطوني ابره تفجيريه وسويت سحب وطلعت ٤ بويضات تلقح منها ٣ درجه ممتازه ورجعوها لي كلها وكان عندي امل كبير بس الحمدلله على كل حال ماصار حمل لخيرة يعلمها الله وحده


طبعا كنت اراجع بالعسكري فقالو لي خلاص استنفذتي محاولاتك معنا
والان محتاره بين مدينة الملك فهد الطبيه او الحرس والله يكتب اللي فيه الخير وناويه قبل المحاوله الجايه اسوي تحليل اجسام مضاده لانهم ماسووه لي
دعواتكم بنات 💕

التنشيط تقصدين

انا اخذتها بالبطن تحت سر بصبعين

غريبه مابحثتي بقوقل
عن الممنوعات والاشياء الي تسويها
..
خلاص بطلي زيارات لين الثالث وبعدها انطلقي ومارسي حياتك عادي
..

اجل من زوجك ي قلبي
خله يعالج ويروح كذا دكتور يمكن اهو الي يسبب ضعف وماتنغرس
ولمن تروحين الدكتور وهو معاك قولي عنده تشوهات اهي الي تسبب وانت عارفه انه تسبب بس سوي نفسك تسئلين واذا قال ايه قولي اصرفوله
..
لاني اقيسها ع زوجي دايما يقول انا سليم مافيني شي لين سويت هالحركه مع دكتور وبعدها انضبط لانها بااااااااارد جدا
مايتحرك لين واجهته عند دكتور
..
فما ادري عن زوجك 😅..
ولا تحطين شي فيك لانه بكره راح يقول انت وانت وانت وحرام انت سليمه.
لو فيك حاجه عادي بتراعون بعض وبيراعيك. بس لم يحس بنقص وانه اهو سبب راح يقلبها عليك
.
.
..
لاتلعبين بنفسك توك ماره بعملية ترجيع ماكتب لك
ريحي نفسك
..
واذا كتب لك ترجيع ابحثي عن الممنوعات وعن الاشياء المحرضه في الانغراس زي الاستحمام والطلعه والمناسبات
مافيه زي بيتك يلمك وتلمينه
واهم شي حسن الظن بالله
والله يكتب لي ولك والجميع بتيسر والحمل الطبيعي 🤍🤲🏻
..
والله يسخرهم لنا ويسخرنا لهم.🤍🤍