🧁تباشير الخير (٢٢) لمواليد سبتمبر & اكتوبر لعام ٢٠٢٠ 🧁

الله يعينك ياسدوره ويكتب اجرك
الحمدلله انتي بخير والصيصان بخير الله يحفظهم ويخليهم لك
صح انتي تعبك مضاعف وغير كذا عمليه 😰الله يكون بعونك ويسهل امرك وانشالله الاجر لك مضاعف سدوره
كلها كم يوم وتبدين تتحسنين وتشوفين العافيه
اهم شي امشي كثير تتحسنين اسرع باذن الله
اهم شي الصحه والعافيه واطفالك بحضنك متعافين والثقل وتعب الجمل خلاص انزااح وارتحتي 🌹الله يقومك بالسلامه

انا كاني سمعت رولا قطامي مدحت الدرج انه ينزل البيبي للحوض افضل من المشي ببحث عن المقطع وانزله هنا
الله يهون عليكم يارب

السلام عليكم بنات
الف مبروك للي ولدو الحمدلله على سلامتكم
انا خلصت الاربعين و بالنسبة للطهارة بعد اسبوعين من العملية ما نزل شي فقط افرازات ... لكن قبل الاربعين بشكم يوم نزلت علية اعتقد الدورة او اللي يسموها اخت النفاس قوية و غزيرة ولسة ما طهرت منها ... طبيعي؟


سدرة حبيبتي انا مثل صفاء بالنسبة لالم العملية ماكو اي الم بالجرح بس شوية معاناة اول ايام خلال الحمام تكرمون بس عموما تجربتي للعملية كانت ايجابية و مريحة الحمدلله... بس مثل ما قالو البنات طبيعة كل جسم تختلف و يمكن حسب ايد الدكتور او الدكتورة اللي سوو العملية و طريقة الخياطة

رولى قطامي - طرق تسريع عملية الولادة - امومة وطفولة - YouTube
فيديو YouTubeشوفو الدقيقه 6
مدحت الدرج والقرفصاء
قالت افضل من المشي
انا كنت امشي كثير كل التاسع ولانزل البيبي للحوض
وماكنت اسوي قرفصاء ولا اطلع الدرج

اهلين حبيبتي كيفك
ايه اعتقد اخت النفاس وتجي غزيره وتطول احيانا
لازم تهتمين فيها بنفسك تغذيه صحيه ومشروبات دافيه حليب ويا فلفل اسود وابيض بس ماادري يناسبك الفلفل وانتي عمليه!؟ مشروب الاعشاب اللي يساعدك تطهرين بسرعه ،، انا اتذكر تطول علي اكثر من الدوره العاديه