💙❤التجمع الثاني عشر لحوامل مواليد مــ3ـارس & ابـ4ـريل لعـ2021ـام 💙❤

بنات على طاري الاحلام بعد
حلمت اني فوق جبل في (تبوك)
انا اساساً ماعمري رحت تبوك لكن اسمع فيها وانها قريبه من دول كثير
المهم واشوف الدول كذا جنب بعض وافتح قوقل ماب واشوف كل دوله كم تبعد اقل وكده كانت ٤ دقايق المهم شفت عُمان بيننا ٤ دقايق هيا وش جاب عُمان لتبوك؟ ماعرف وش جاب الجنوب للشمال😂
المهم ودحدرنا عليها كذا بس من الجبل ووصلنا صورنا سناب انو نحنا في عُمان ورجعنا كان معي بنتين مافتكرهم مين
المهم ونحنا واجعين تجينا حرمه كبيره تخاصم وش جابكم عندنا اكيد تشتحو من السلطان حقنا وقاعده تقول الي عندنا مكفينا وانتو دايم تحو تشحتو 😧😧😧😧😧😧😧
عاد انا قدرت اهرب قبل تجي لكن البنات الي معي اكلوها😂
وبس خلص الحلم
من زمان ماحلمت صار لي فتره هذا اول حلم لي من فترة طويله

بنات كيف وضعية نومكم؟
ما ارتاح بنومة الليل...اذا نمت على جنب اشعر بكل الآلام من تحجر وكتمة وغيره.
ما ارتاح الا على الظهر بس ما اقدر لانها خطر على الجنين.


تحطون وسادة حوامل تحت الكروشة او بدون.

ريميه قصتك أكشنها قووووي و الله و الحمد لله اللي ثبتك و أظهر الحق


و حسيت ان الانسانه هذي سوّت مشكلة كبيرة عن سفاهه و تحسب عادي انها تتكلم في اي شي مع اي احد ما اعتقد انها سوت كذا و هي مخططه و ناويه على الشر .. لأنها لو فكرت شوي بتعرف انها بكذا تهدم حياتها بس واضح ان عقلها و تفكيرها على قدها و الا في وحده عاقله تقول لزوجها هذا الكلام !!!🙄
ع العموم الله يحفظك و يكفيك شر كل من فيه شر 🌹
و اتوقع بعد هالسالفة ماعاد تتقربين من أحد أبد 😂💔

ما اظن له علاقة بالحمل....
يمكن شفتِ شيئ بالنت او التلفزيون وحلمتِ فيه.

سبحان الله دايم الزوج اذا عصب يقول روحي لبيت اهلك والمفروض من وقت الزواج يصير هو اهلك والبيت اللي انتقلتي له يصير بيتك
لما زوجي يقولها اتأكد انه ما عندي بيت واني في بيته
الله يصبرك ويفرج همك ويصلحه لك ولعيالك
لا تفكري كثير عشان الجنين
وانشغلي عن الموضوع
واذا عرفتي سبب زعله منك تفاهمي معاه
الله ينصرك ويرفع الظلم عنك