تجمع مبارك يارب
مبروك للي ولدو والعقبى للباقين
انا تعبت اليومين اللي فاتو مع بنتي جاتها سخونة والتهاب معد عرفت لا اجلس ولا انام حتى مع الخافض ماتنزل مع اني اعطيها الادوية فوقتها و الكمادات على طول
لحد يوم الثلوث قست حرارتها كانت ٣٨ و شوية وباقي ساعة على موعد الخافض و حاطة منبهي و نمت اول مادق المنبه قمت اعطيها الخافض بس قلت اقيس اول الا هيا ٤٠ و ٧ واقوم اجري زي المجنونة حممتها بالموية انا كنت مجهزتها من قبل و قعدت تبكي وتعض فيا وطبعا ماتبغى تجلس في الموية دخلت معاها بملابسي و رجعت اجري وانا مبلولة اجيب الدوا و اشربها وارجع اغطسها ثاني و هيا تبكي ماتبغى الموية وانا ازعق لانها تعضني و جات امي شالتها قالت كفاية وخلاص انهرت جلست ابكي
وفي الاخر امي جابت سدر ورق اخضر وطحنتو مع موية وحطتلها فكل جسمها والحرارة سارت تنزل زي السحر والله ما مرت ساعة الا كانت ٣٧ و بعدها ٣٦ و نامت و هيا نايمة سارت ٣٥ و ٧ وانا ليا قبلها ٣ ايام اجري فيها للطواريء و الحرارة ابدا ماتنزل عن ٣٨
🤱🏻♥️تباشير الخير يارب الـ٢٤ لمواليد سبتمبر واكتوبر لعام ٢٠٢٠♥️🤱🏻
متابعة النقاش، صفحة 27