احكولي تجربتكم لعل وعسى تهون علي

يسعد صباحكم


اتمنى من كل وحده مرت بنفس وضعي وعانت نفس الي اعيشه تقولي وش سوت وكيف تعودت وتأقلمت


اخخ بس
كل وحده اكتشفت خيانة زوجها لها كيف رجعتي عادي وكيف صرتي تثقين وترتاحين


كشفت زوجي يكلم وحده قبل ٤ شهور تقريباً ولليوم هذا عجزت اتقبل عجزت ارضى واهدا دائماً متوتره وع اعصابي
اعترف اعترف اني الشي هذا دمرني وحطمني وكسرني كككثثثير 😭💔
ابداً والله ماابالغ صرت مريضه شك و وسواس جننت زوجي بالوسوسه تعبت كل ماطلع اي مكان اشك واجلس افتش وابحث وراه
وانا من النوع الي ماافوت اي حاجه ونبيه ف هذي الاشياء كثثثثير
المهم مااحكي لكم كيف الشك مسيطر علي وربي وربي تعبت ماانام الليل تخيلو نومي كله يمكن ٤ او ٥ ساعات ومو متواصله بعد عشان عندي طفل صغير
مارتاح بنومي مارتاح باي طلعه حتى اذا رحت لاهلي ماارتاح
يمر اليوم وانا ما أكل الا شي خفيف
نزلت ٥ كيلو 🥺 وانا اصلا مو سمينه وزني عادي
الشيء هذا متعبني كثير عجزت انسى عجزت مايروح عن بالي ابداً صرت بس اشوف زوجي ع طول اتذكر المحادثات والصور وان كان يروح من عندي ويكلمها او حتى يكلم وانا قاعده معاه
انا كنت شاكه فيه ومبينه له وكان يحلف ويلف ويدور ومافي شي وحاولت اقتنع قلت مارح اخرب فرحتي بالبيت الجديد
لان تو سكنت بالبيت الي كنت احلم فيه وانتظره من ٦ سنين 🥺 البيت الي رسمنا المخطط انا وزوجي بيدينا
صممنا وخططنا ع كيفنا وبناه من افضل مايكون
ماتهنيت فيه من اول يوم دخلت فيه وزوجي مو زوجي وحبيبي الي اعرفه يوم عن يوم اشوفه واحد ثاني مو ذاك الشخص الي يحبني تغير كثير وكثير وكثير وكنت اكذب نفسي واحاول اصدق واقنع نفسي كله من الضغط المادي عارفه وضعه تو سكنا وحالته حاله
خرب فرحتي بالبيت 😭


صحيح اخذت حقي وزياده رحت وزعلت واهله واهلي عرفو
وصارت اشياء كثير ماابي اذكرها
اعرف اني مارح اتجاوز الصدمه الا بعد مااكمل ٦ شهور ع الاقل او سنه


سبق وصارت قبل ٤ سنوات كشفته يخوني وعانيت وتعبت لما تأقلمت وتجاوزت
كتبت موضوعي ابغى نصيحه اي شي اعتبروني اختكم
اهملت نفسي كثير صحتي راحت صرت ذبلانه ووجهي اصفر
قبل شهر قابلت وحده من صحباتي وتسألني مستغربه وش فيك نحفتي سمرتي صار وجهك شاحب وين فلانه الي الكل يسألها عن اهتمامها وعنايتها


كلامي كثير لو بقول كل الي بقلبي مارح اخلص
بس انا من جوا متحطمه 😭
موجوعه ومقهوره كثير 💔