احكولي تجربتكم لعل وعسى تهون علي

انتبهي تتعبين صحتك على شيء مايسوا!
لكن انتي شكلك تحبين زوجك وتشوفينه دايماً بالقمّه!
وماتوقعتي بيوم من الايام يسوي معاك كذا ! انصدمتي !!
لكن الحل انك تنسين كيف تنسين؟ عادي عيشي يومك
خليك مع ولدك اطلعي السوق روحي وتعالي يعني لاتجلسين
لحالك يسيطر عليك التكفير وسواس الشيطان !!
رددي كثير ( لاحول ولاقوة إلا بالله ) ترتاح نفسيتك !
ورددي دايماً ( يارب طمن قلبي وريح بالي ). .
صدقيني العلاج بيدك أنتي،، تخطي دامك واجهتيه
و وصلت للاهل فـ يصيز العلاج بيدك ! وهو صحيح للان
الصدمه فبالك ! ولا بالومك ! من حقك انك تزعلين
وتتضايقين! عيشي لنفسك بس! حبي نفسك
حبي طفلك ، يعني لايصير محور حياتك وتكريس حياتك
كلها على زوجك؟ وين زوجي ؟ وين راح ؟ وش يسوي ؟ يكلم مين ؟
راح تتعبين كذا وبتزيدين الطين بلّه! لكن الحل والعلاج بيدك أنتي!
غيري من نفسيتك ، عادي اجلسي معاه قولي له انك انصدمتي
يعني كانك تسولفين انتي وياه زي مايقولون جلسة مصارحه!
مافيه احلا واجمل من جلسة المصارحه وان الواحد يصارحك
عشان القلوب ترتاح! بالعكس اجلسي قولي انك تضايقتي منه
على اللي صار! قولي له ليش سويت كذا؟ هل شايفني مقصره معاك بشيء لاسمح الله ؟ قولي له هل أنا أستاهل تقابلني كذا؟
هل انا تزوجت عشان اعيش بنكد وخيانة؟ قولي له
الواحد ليش يتزوج؟ مو عشان يعفّ نفسه عن الحرام! ويستقر بحياته؟ صدقيني بدال ماتتسالين وين رحت و وين جيت ! خليك صريحه معاه
حتى انتي بالك وقلبك يرتاح! بس بعدين يعني
حبي نفسك حبي نفسك حبي نفسك حبي نفسك!
عيشي لنفسك ولولدك ! اوك زوجك معاك ، لكن لاتعاملينه معاملة
اللي احببببك ولا اشوف فيك غلط ولا تسوي شيء سيءء!
ولا تشوفينه بمثابة السيءءء اللي مايجي منه خير!
ولاتشوفينه بان مايسوي لك شر ، وان سواء لك شر تنصدمين
وكان الانسان مو خطاء ، وان سوا لك خير لاتشوفينه وااااااااااو !
لا عادي خلي مشاعرك معتدله تجاهه ! وانتبهي لنفسك وصحتك
والله يريح بالك ويطمن قلبك يارب 🙏🏻!
والفففف مبارك عليك المنزل ، الله يجعله منزل مبارك
ويطرح فيه الخير والبركه ♥️♥️.

يقولي لمتى خلاص ومرات كثير يهاوشني ويعصب اذا فتحت الموضوع


اقوله طيب انا عجزت اصدق عجزت اقتنع وارتاح بالي قلته قال وربي هذا الصدق


انا مو مرتاحه احس الموضوع مايدخل العقل متزوج وحده مسيار ولا عمره راح عندها غير يوم اخذ المملك وملك
ولا عمره طلع معها وشافها غير اول يوم وغير بالجوال


قالي طلقتها ووالله ماصار بيننا شي وانا صدقته لان حط شي بالموضوع هذا كببببر وقالي انا ماجبت الشي هذا الا لاني اعرفك وعرف كيف حتفكري وعشان تصدقيني
تمام صدقت النقطه هذي


بس مقهوره ومغبونه ع ايامي الي اكنت انتظره وكنت اشتاق به وهو بعيد عني وصاااتاد وقافل معاي كنت اشوف الكره بعيونه وكنت استغرب كثثثير وكنت انحمل اقول مايخالف تو سكنا بيتنا خل نرتاح فتره ويرجع
وشوفو بالنهايه وش طلع 😭


عاد هو يحلف ان سبب تغيره مو عشان كذا لا
يقولي بسببك انتي شوفي انتي وش تسوين معاي
بيننا اشياء كثير المهم


قبل كم يوم سألته بهدوء انو ليه حبيبي جته فتره تغير معاي وماكان يشوفني حتى ولايناظر بوجهي وكان بعععيد بعععيد بعععيد عني
انا كنت اتعب وانت مو عندي وبالنهايه تكون مع احد غيري
قال لا والله هذا انتي الي صنعتيني كذا انتي خليتني كذا


بس مادري ليه قلبي ناغزني كثير حسيته حبها وتعلق فيها 🥺
ادري ان بطريقتي هذي اذكره فيه

الزم ماعليك صحتك ,, بتعبين نفسك بذي الطريقة وتروح عافيتك
وصدقيني بالاخير راح توصلين لحقيقة وحده وهي أن ألزم ماعليك صحتك ,,

مرات اسأله كثير ومرات ابين له ان قلبي ناغزني ومو مرتاحه حاسه فيه شي
وانك رحت مني ☹️
الحين بيقول عارفه اني حبيتهاوتعلقت فيها ويصير يفكر فيها زياده وفعلا يحط الشي هذا بباله


اقول حتى لو مايحبها راح يحبها بسببي ومن كثر مااقلت الشي هذا وافكر كذا

ابي اعرف المرض ليه؟؟ الرجال والله معروووفين الا من رحم ربي معروفين انهم مالهم أمان في اي شي وكل شي
لاتخلينه بعينك مثالي او انه ملكك لاااا غلط واكبر غلط لانك يمكن تموتين او يجيك شي وتفقدين حياتك بسببه
انا اللي اعرفه ان الرجال اللي مشى بهالطريق صعب يتركه الا بوقفه صارمه من الزوجه وربي يعينك