٣ سنوات مااقدر اطلع من البيت مثل الناس

السلاك عليكم ورحمه الله وبركاته


اخواتي العزيزات ااتمنى انكم تساعدوني او تطيبون خاطري بكلمه او نصيحه انا بهم وغم وكرب مايعلمه فيه الا ربي :(


بحكيلكم قصتي من ٣ سنين صابني شي غريب خلاني اخاف من الطلعات وركوب السياره واتوتر وارجف واقلق وانمغص وابغى اهرب من السياره وياما نزلت من السياره امشي واكمل طريقي للبيت
بدا الموضوع تدريجي خلال الثلاث سنوات رحت لشيوخ وقالو عين مقرونه بحسد رحت لدكتوره قالت عندك اكتئاب وقلق واعطتني ادويه استخدمتها ٤ شهور وماعطتني ذيك الفايده توقعت بطلع وبسافر لكن للاسف نفس الشعور يجيني
تعبت فعليا تعبت خصوصا لما كبرت بنتي وصارت تسال ليش ماتطلعين معنا ؟
لما مرضت كان عمرها سنه وشوي والحين عمرها ٤ سنوات ونص وكل طلعاتها هي وابوها يمشيها ويلعبها ويوديها مطاعم
بس مااطلع الا بحالتين اذا بروح لاهلي او بطلع مستشفى ويروح المشوار كله صياح وتوتر :(
وزوجي تعبببببببببب مره معاي احس وده يطلع مع زوجته وينبسط مثل كل الرجال يطلعون مع زوجاتهم مطاعم وسفريات وده بطلعة عائليه صاير هو يشتري لبنته وصار ينحرج بالمحلات لما يكون بقسم الاطفال ويقايسها يقول كله حريم :(
محد يدري بالموضوع غيري انا وهو ، هم شايلته على قلبي وصابره ابغى اخلص مو قادره جاثوم يجثم على صدري بس اركب اقسم بالله مااعرف وش يصير بمنطقتي الدنيا تغيرت وانا اخر عهدي فيها قبل ٣ سنين
قبل السالفه هذي كنت للاسف اصور طلعاتنا وروحاتنا وجياتنا وكنت اطلع يوميا انا وزوجي ومطاعم وفالينها عالاخر والحين انقلبت حياتي فوق تحت


صارت امنيتي شي واحد بس اقدر اطلع مثل العالم بس اشم هواء واستمتع بالشتاء ىانزل السوق والعب بنتي بنتي محرومه ياعالم من ام تونسها ادعولي ارجوكم طرقت كل الابواب وتعبت البقره اقراها بشكل يومي من ٦ شهور والاذكار واقراها والوتر اصليه


ادعولي ارجوكم