نظرة حمولتي واهلي لزوجي

السلام عليكم عندي موضوع غريب بس ابغى شورتكم فيه
انا متزوجه لي سنه وشهرين والحمدلله انا وياه عايشين بسعاده وحب ولله الحمد يعاملني احسن معامله ومايخلي شي بخاطري لو اطلب لبن العصفور وحتى لو هو مشغول وعنده عزيمه يطلع ويجيبها لي ومدلعني الحمدلله بس المشكله في اهلي واهله ونظرتهم لنا
انا من النوع الي مااحب اسولف عن حياتنا الخاصه وعن الهدايا الي يجيبها لي واي شي يصير بيننا
وبحكم طبيعة عمله ف انه كل شهرين يسافر يوم واحد او يومين حسب حاجته لشرقيه او رماح او جبيل عشان شغله
المشكله اهلي واهله كل مره يسافر يدقون علي وعليه بالكلام ليش مااخذتها معك سفرتها رغم ان شهر العسل شهر كامل مسرفني لانحاء اوروبا كامله بس جت كورونا وبعدها وعدني نسافر سفره حلوه برا المملكه اذا انفتح الحجر> وانا بصراحه ماني مهتويه روحة الشرقيه ولا جده خساير على الفاضي.
وبس يضايقني كيف يشوفونه مقصر معي من ناحية السفر ومن ناحية شغله وهم مايدرون هو وش يسوي لي لاني ماتتكلم لهم
وعجزت اوصل لهم المعلومه مرات اقول معهم حق وارجع اتهاوش معه بعدين يأنبني ضميري واطلع كانهم محرضيني عليه
مشورتكم ؟