مشكلة الاقارب اللي كذا

بنات انا اصلي قبليه بدويه
اهل ابوي اللي هم حريم عماني وعماني وعماتي
ورجال عماني بدوو متشددين لابعد درجه
يعني عندهم عادات وتقاليد لو اقولها
لكم الحين تنصدمون ان فيه ناس للحين كذا
امي قبيليه حضريه يعني لو على امي اقدر اقنعها
بقولكم المشكله وين
امي تخاف من نقد اهل ابوي وابوي نفس الشي
يخاف من نقد اخوانه
يعني بكل بساطه جاني شخص مو من نفس المدينه
تقدم لي يرفضون !! بحجه ليش بنتتا تطلع برا
الحين عمري ٣١سنه وللأسف ابوي مطاوع
اعمامي ان بنتك ياخذها منا وفينا افضل من الغريب
يعني يجي شخص مافي عيب لكن بمدينه ثانيه
يحتقرونه
ثاني شي اناً جامعيه متخرجه وأكثر من مره
احصل وظيفه بشركات براتب مغري
لكن احصل بالرياض لاني انا بمحافظه
ومافي اختلاط لكن امي ترفض رفض بات اني
اروح اتوظف بعيد
دايم ابكي عندهم اقولهم عمري ٣١ سنه
وين تبون اتوظف بالقرية اللي انا عايشه فيها!!
يقولون موب لازم اذا ماحصلت لك وظيفه هنا
مو لازم
امي سهل اقناعها لكن كل خوفها من مجتمعنا البدوي
اقسم بالله يابنات انا اشيل هم امي بكل شي اسويه
لان كلامهم زي السم وعادي جدا يقذفون يسبون
ينقدون ويفشلون الام بمجلس كله حريم
انك مالك راي على بناتك وبناتك يسون اللي يبون تاركتهم
يعني يبوننا نعيش غصب نفس عيشتهم قبل ٤٠سنه
وهم مسوين كذا لبناتهم وبما اننا بنات عمهم
يبوننا نفس اطباعهم
والله تعبت من جهه ابوي وامي ومشاكل
حياتي راحت على لا شي بسبب اقارب وعادات متخلفه
الله ياخذهم بساعه وحده هم وعاداتهم
وياليت يطبقون هالشي على انفسهم
لا يبون كل القبيله غصب صيرو نفسنا !!
يعني ياليت يسون الشي ولا لهن يدخل بغيرهم لا
لازم كل الاقارب هذا غير الترابط الفضيع
اللي يشوفونه واجب ولو ماجاء ابوي لهم يوميا
يعتبرونه عاق وخروف وفيه بلاوي
يعني مره كنا بنشد للرياض
جت بنت عمي ومرت عمي يقولون بتفرقون أبوكم
عن اخوانه انسو هذولا مع بعض لين الموت
مو انتم ولا غيركم يفرقهم وصح كلامهم حلف ابوي
ماينقل يعني كانه شي واجب ان اخوانك اهم من
زوجتك وعيالك ولا زم كل يوم تصير معهم وتترك بيتهم
من المغرب يروح لهم ابوي ولا يجي الا ١١باللليل
احيانا ماشوف ابوي ايام
وهذا الطبع من سنين من على حياة جدي وجدتي
وماشين للأسف اليوم عليه
يعني الواحد ينشغل مع مرته وعياله والحياة
هذولا لا الله يشغلهم بمرض مايفكهم
عشان يتركون الناس بحالهم
ابوي جدا مسالم لكن فيه عيب الخوف من القبيله واخوانه
وحريمهم حتى حريمهم نفس الجنون
قويات بشكل كانهم رجال
وللأسف عندهم السحر زي السلام عليكم
وهذا اللي مخوفناا يعني عادي تكرهك تسحرك
ودايم يروحون لقربه قريبه من محافظتنا
مرت عمي وتشوف الودع واشياء قويه ثانيه
والله انيً بهم احيانا اكره اني انخلقت لي قبيله