شاركي في النقاش

سجلي الدخول لإضافة تعليق.

التعليقات

1,010

  2. @tnshd_alsaaadh

    غلاها بدرها
    اللحين ترتبط ريحة العطر بهالفترة من حياتك يعني كل مابتشمي العطر بتتذكري ذي الوضع والحالة عاد مدري تتذكريها بطريقة سلبية تعب و ووهن وهم ولابطريقة ايجابية انتظار مولود جديد واخ جديد لعيالك 😍 عاد ع حسب مزاجك انتي اللي تصنعي محتوى الذكرى للع…
    نفس تفكيري عطر زواجي مس ديور ماافكر ارجع استخدمه خلاص له ذكرى وحده

  3. @ana_lana_2

    موضوع البنج النصفي بيدك اذا رحتي وانتي متهيأه نفسيا وعارفه أعراضه بيكون سهل باذن الله أما تروحين على عماك بتموتين من الخوف
    أنا هذي ثالث مرا بنج نصفي
    بس بالسياره كل شوي أقول لزوجي خايفه من ابرة الظهر ابيه يرحمني وسبحان الله تفاؤلا على نفسي وجاني خوف حقيقي وبعد كنت متخوفه من المستشفى شوي
    المهم دخلنا المستشفى ورحنا قسم الدخول وجهزت اوراقنا وطلعوني للغرفة قالوا بنركب تخطيط قلت انتظري وطلعت كل اغراضي من الشنطة ورتبتها بالدروج اسهل لي اخذها بعد الولادة
    وطلعت لغرفة العمليات بسرعه ماطولت لاني طلبت من الدكتوره اكون اول وحده لان هالساعات اللي انتظرها اكل في نفسي من الوسواس
    المهم خذوني للعمليات وبديت ابرد من الخوف دخلت غرفة العلميات ومسكتني نفاضة وعقلي الباطن زاد علي ابرة الظهر
    اول ماجا دكتور التخدير يركب ابرة المغذي وتوجعني هنا قمت اتنافض قلت هذي واهي مغدي يده ثقيلة اجل وش بتصير ابرة الظهر وأكيد انه مب شاطر ويتعلم فيني وبنشل مع اني مجربتها قبل بس الشيطان
    المهم ويعلمني الوضعية ويقول لازم ترخين وانا ماقدرت ارخي ابد كل شوي اشد ويقول مايصير ابد تشدين خطا ومع شد التوتر والله ان جسمي ينتفض بموت برد وخوف واطالع بيدي سبحان الله شي عجيب غريب انقلب لون جسمي اسووووود بدون مبالغة والعروق رمادية خفت قلت عسى ما اموت من البرد
    والدكتور يقول ماتاخذ وقت خمس دقايق وندفيك بس ماش الخوف مسيطر
    المهم خلصتها والله يسعده يغطيني زين ويحط من داخل البطانية جهاز يطلع هوا دافي ودفيت شوي
    لازم تعرفون ان النصفي تحسون بالدكتوره واهي تسوي العملية بس ماتحسون بالالم يعني احس بالمشرط بس بدون الم احس بالضغط عالبطن بس بدون الم
    ويجيني الشيطان ثانية ويقول الدكتوره مب شاطره وطولت ما طلعت الولد اكيد فيه مشكله
    واتعوذ من الشيطان وادعي كم دعوة سريعه وذكرت بنات التجمع بدعوة
    المهم جا البيبي والحمد لله شفته وسمعته يصيح وطمنوني عليه
    وطولت فيني ويجيني غثيان وتقلب كبدي قلت ابي ارجع ويعطوني كيس على جنب وتخيلوا ارجع واكح والجرح مفتوح وعطاني ابرة عشان الاستفراغ
    واحس فيهم يحوسون فيني جاني انهيار عصبي
    قلت لدكتور التخدير هنا خلاص شفت ولدي وتطمنت عليه اهو بخير قال ايه قلت نومني قال بعطيك شي يهدي بس ماينوم
    والحمد لله هديت عليه
    طلعوني غرفة الافاقة وانا ميته فيني النوم قلت عطوني زين حطوا لي بطانيتين وحطوا لي الهوا الدافي والحمد لله باقي الامور تتيسر

    بس نصيحة النفسية مهمة مهمة اهي اللي تحدد وضعك ليتني ماتسببت على نفسي كنت ابي زوجي يرحمني ودخلت نفسي في حالة خوف حقيقة
    الولادات اللي قبلها اسهل لان نفسيتي احسن

  4. @ana_lana_2

    وبالنسبة العملية عشان تخفين بسرعه المشي كل مانشيني بدري احس للجرح والامعاء حتى لو تألمتي شوي واهو طبيعي بس بتحسنين اسرع
    واشربوا كمون عشان الغازات والانتفاخات
    وفالكم السلامة والولادات السهله الهينة اللينه

  5. @noony_ngd

    حب وفصفص
    طلعت شنطة المستشفى ورتبتها من جديد وعطرت الملابس يعطر شانيل 😅😅 ياخوفي استشم اذا لبستهم 🤣🤣🤣 لا عادها الله من عطر قسم بالله تحسفت اني عطرت الملابس بنات الشبشب تاخذون اي شبشب ولا لازم شبشب حمام وشبشب عادي
    تسلم الأيادي حبوبه الله يجعلها فاتحة خير و بشارة ولادتك يا رب
    شوفي بالنسبه للعطور جيبي قطن و بخي فيه من كل عطور البيت و دهون العود و المسك و حطيها بوسط كيس و اربطيها و خليها بشنطة المستشفى و أول ما تولدين بالسلامة خلي القطن جنب رأسك و شمي بين فترة و فترة حتى البيبي خليه قريب منه شوي
    عشان ما يستشم جرحك و لا سرة البيبي
    هاذي طريقتنا و الحمدلله ما نعاني مع عطورات الزوار خصوصا الرجال

تابعي تجارب أخرى من هذا القسم.