✨🕊 التجمع ( ٣٧ ) لحوامل مواليد يناير & فبراير لعام ٢٠٢١ م 🕊✨

💚💚💚💚💚💚

😂😂😂😂😂

انا دورت في النت قالوا صيني كنسلت الفكرة 😂😂

المهم موعدي اليوم جدا جميل
التجمع الدموي اختفى
والمشيمه التئم الانفصال
والطفل بخير الحمدلله


خفض لي جرعات المثبتات كلها خلاها للنص ..
هاوشني عالحديد مرررره وببدا فيه ضروري


امممم ورجع لي الابر المسيله يوميا جرعة ٤٠٠٠ وحده


وقال لك اسبوع بالسادس لاتسمعين كلام اي طبيب يقول لك اسبوعين بالسادس
انا اللي حاط الجنين بنفسي لو تروحين المانيا محد عرف لحسابك مثلي 😂


وخفت لما قال رجعي الابر المسيله قال تسوين زي المصريين
اللي يتلسع من الشوربه يخاف من الزبادي 😂

طيحتي تفشل والله
كنت نايممممممه وقمت كني بطريق مغمضه بدخل حمام .. دخلت وانا بغرفتي ماعندي الا كرسي عربي حطيت كرسي مرتفع حق كبار السن اذا تعرفونه


المهم جلست وانكسر فيني .. واهبددددددد ع ........
وضرب ظهري الاررررررض .. والله يابنات تقولي لذعتني كهرررررب


يلا عاد قومي اذا انتي صادقه .. اسحب نفسي احاول احاول .. وانادي انادي ويرد ولدي علي


ومابيه يشوف ماني لابسه طبعا كنت ببيت الراحه 😂😂


واقوله ناد بابا صحيه من النوم .. قال ماما ليش صوتك تحت الارض؟؟؟


قلت طايحه ويبكي باباااااااااااا قوم امي تحت الارض 😂


ويفز الابو ويجي يبي يدخل ساقي ممطوطه مناك ويبي يدف الباب المهم حوووووسه لين دخل جوا الحمام


ويشيلني وانا ساكته وبس وقفت وحسيت الم بكككككيت
قال متفشله ولا يوجعك شي ... وانا ابكي زياده تذكرت اني لازم اتفشل 😂😂😂


ويحطني باقرب اريكه واتالم واتالم وابكي ويدق ع دكتوري ويعلمه قال اذا تمشي وماتستفرغ عادي جبها الصباح الا لو بدا معاها الطلق




وانسدحت واقعد صاحيه للصبح ورحت اتطمن والحمدلله جت سليممممممه




والدكتور وزوجي يسالون ولدي ويقول والله صوتها تحت الارض بسم الله ع ماما ويبكي وهم يضحكووووون


وانا تفشلت والله .. حسبي الله عالكرسي .. والحمدلله ع سلامتي

حبيبتي والله طيحتك قوية الحمدلله جات سلامات
ويا حبيبي ولدك حزني خايف عليك ربي يخليه لك هو وأخوه ويطعمكم برهم😢