✨🕊 التجمع ( ٣٧ ) لحوامل مواليد يناير & فبراير لعام ٢٠٢١ م 🕊✨

انا اتابع التجمع بصمت نادر ارد

لكن حابه ارد عليك بخصوص ولدك
انا ام عاديه لاني مربيه ولاعندي شهاده
اول شي كم عمره من ( ١الين٥ ) سنوات

بهذا العمر الطفل يتعلم باللعب والاستكشاف
كل شي حوله يستكشفه
وهو طفل اكيد مايقصد انه يخرب التلفزيون او يوسخ البيت
او حتى يقهرك الاطفال ابراء من كذا
ولايدل انه عنيف ولاسىء التربيه ولاشيطاني هو طفل طبيعي يمر بمرحلة من مراحل نموه وتكوين شخصيته
وغالباً مايعرفون يعبرون كثير عن مشاعرهم مايقدر يقول انا جوعان وانا ماشبعت نوم
اذا شفتيه يخرب الفتي انتباهه بشي ثاني بسرعه
ولاتقارنينه باخوه انه ماكان مثله او اخوه اهداء منه
لانهم اكيد يختلفون
اهم شي لاتعاملينه بصارخ لانه راح يكتسب هالشي

عموماً مسؤوليتنا نعلمهم نوجههم ونصبر عليهم
والنتائج ماتكون فوريه يبي لنا صبررر

كل واحد ووجهة نظره وطريقة تربيته 👍🏼
لكن المحبس ماهو حل ..

👏🏼👏🏼كلامه صح

👍🏼👏🏼

بربوليتا الله يهدي ولدك.. فيه رقم استشارات 116111
دقي عليهم متخصصين للأطفال يا رب يردون عليك َوتستفيدين..
بالنسبه للمحبس انا عندي ولد عمره ٦ سنوات ماعمري حطيته في محبس
وشخصيته هو عنيد واتعامل معه بصعوبه بصراحه عسير في التعامل معه الله يهديه.. بس انا دايم استشير على اخصائيات واشرح لهم شخصيته ويساعدوني والله الحمد لله..
يقولون بالمدح والتشجيع يجي معك.. وتعززين من الصفات الحسنه وتحاولين ماتركزين على الصفات السيئه عشان ينساها واي شي تبين تعززينه فيه قولي له هذا الشي انت تحبه مثلا اجلس على الكرسي عشانك مؤدب وتحب الجلوس ع الكرسي.. زي كذا مثلا لازم تتروش عشانك انت تحب تصير نظيف وهكذا... أي صفه كويسه عبري عنها بأنه هو يحبها حتى لو انه في الواقع ما يحبها خاصه انه ولد الله يهديهم وصخين ويحبون الفوضى.. بس وش نسوي لازم نعدل من سلوكياتهم.. الله يسخرهم لنا وييسر تربيتهم..
بالنسبة لفكرة المحبس طبعا ما عمري شريته ولا اقتنعت فيه.. بس انا طريقتي هو كان يومه صغير يمكن بعمر ٣ سنوات كان عدائي معي جدا يرمي عليّ النعال ويضربني المهم كنت اقوله إذا أنت زعلان أو معصب روح ارتاح في غرفتك َوقل أعوذ بالله من الشيطان الرجيم ولا تطلع من الغرفه الا اذا ارتحت.. بالبدايه واجهت صعوبه بس الحمد لله نجحت الفكره هذه.. بس لاحظي اللي يروح يرتاح فيها غرفته فيها سريره والعابه ودولابه مكان راحته وهدوءه وليس كرسي عقاب أو محبس فهمتي الفرق. ( ودايم أعلمه وقت الغضب نتعوذ بالله من الشيطان ونرتاح ننسدح عشان يروح الغضب)..
كرسي العقاب الاخصائيين يقولون خطأ
كذلك المحبس خطأ..
والله يحفظهم لنا يا رب..