وعليكم السلام
تفائلي وان شاءالله يبي يصير تحليل زوجك ممتاز اهم شي شجعيه ولا تحبطينه ولا تتكلمين كثير بالموضوع لانهم الرجال حساسين من هالناحيه مررره
تجربتي مع زوجي والحمدلله من قبل ومن بعد وله الفضل والمنه كان صفر وما استسلمت بدت بالاعشاب اول شي
انا طبعاً انقل تجربتي مع زوجي فما ادري هل تناسب زوجك او زوج اي وحده تجربه طريقتي او تسبب له مضاعفات هي طبيعيه واغلبنا ناخذها فترة الدوره والنفاس لانه تقوي الجسم
علبة زجاج وحطي فيها :
حلبه نص كاس
رشاد ربع كاس
اقل من الربع مره
اقل من الربع حبه سوداء
المقاييس مو شرط تمشين عليها اهم شي الحلبه هو اكثر واحد والباقي على شوي شوي
اطحنيهم وحطيهم بالعلبه وياخذ منه ملعقة صغيره مليانه يومياً على الريق ويشرب معه شراب الشعير تسوينه انتي تغلين شعير مع مويه خمس دقايق واذا صار دافي تصفيه وتخلينه بعلبه بالثلاجه ياخذ منه نص كاس والنص الثاني حليب طازج
الخلطه الثانيه :
عسل اصلي مع شوي من الحبه السوداء مطحونه ،غذاء ملكات النحل اللي يجي زي الشحم ،حبوب اللقاح مطحونه ، بودره اللقاح مكسرات نيه جوز ولوز اخلطيهم وياخذ منهم ملعقه الصباح وملعقه قبل النوم مباشره
واخذ فيتامينات سي ورويال جيلي وزنك وفوليك يومي ياخذهن
وصرف له الدكتور مكمل شامل واخذه بس شهر وما استفاد منه نفس تحليله الشهر اللي قبل ما تغير مدري يمكن يبي وقت مو بس شهر
كيواوميقا و موتوفا. و واحد ثاني اوله L كرتنين او زي كذا
خليه يشرب مويه كثيررررر وكل وجبه لازم فيها خس وجرجير وياخذ مكسرات نيه العصر مرتين بالاسبوع سمك مشوي
الاشاياء اللي قطعناها مشروبات غازيه الخبز الابيض الوجبات السريعه الشكولاتات
كتبت بالتفصي الممل لاني حربت المعاناة مع زوجي وصدمة التحليل صفر
طبقي نفس الكلام وقبل استخيري واسألي الله انه يدلك على الطريق الصح وتوكلي على الله لا تعتمدين بس على الادويه ما راح تنفع زي هالخلطتين بإذن الله
التجمع ال (163) للمقبلات على الحقن المجهري وأطفال الأنابيب
متابعة النقاش، صفحة 44