ضرتي تطعن بشرفي

السلام وعليكم
اولا ارجوا عدم التجريح قل خيرا او اصمت


انا زوجه ثانيه خطبوني اهله بسبب ان زوجته الاولى مريضه ومشلوله في الفراش وحتى العلاقه الزوجيه ماتقدر وقلت اقبل فيها واكسب فيها اجر وكانت نيتي طيبه لكنها طلعت اخبث من اي وحده سليمه ولَم اتوقع منها ان تبدأ بالحرب والطعن بشرفي والتدبير بكل الطرق النجسه لطلاقي
لدرجة انها شوهت سمعتي لا اعرفها ولا تعرفني ولا بقت وحده من اهله مااتصلت فيها وتألف كلام علي وتتبلاني لتشويه سمعتي
الآن انا عندي منه بنت لكن تركت بيتي لي سنه ماتحملت الي تسويه وهو ساكت لها بحجة طنشي غيرة حريم كيف اطنش وقاعده تطعن وتكيد بشرف زوجته وتشويه سمعه مو شي هين مو لهالدرجه !!!
تخيلوا لدرجة ارسلت على جوالي قذف وسب وكلام شوارع ورديت عليها تتمسكن حسبي الله ونعم الوكيل وهو ساكت انا تعبت جدا من هذا الوضع وطلبت الطلاق لأنه لا يدافع عني ولا كأني عرضه
بنات لو تشوفونها وربي ماتصدقون مشلوله شلل نصفي بتقولون مسكينه وهي سكينه من اول ماتزوجت وهي تشوه سمعتي وتكيدني بعرضي وزوجي يسكت لها وتمشكلنا بسبب هالموضوع
انا الآن على ابواب الطلاق وبعد كم يوم يصدر الصك برغبة مني اشتري راحة بالي وادري ان الله بالمرصاد خصوصا انها تطعن وتكيد بالاعراض وربي بياخذ حقي منها واثقه بالله
لكن اوقات افكر ببنتي اخاف تحرمها من ابوها او تفرّق بينهم مو طبيعيه مجنوونه الي تكيد بالاعراض تسوي اي شي انا كثير خايفه على بنتي منها خصوصا تحرض ابوها او تحرمها منه ماهي سهله وسبق ان شككته حتى في بنته حسبي الله عليها وتستغل عطفه وشفقته عليها عشانها مشلوله تأذي بالأعراض وتسوي مسكينه

49 تعليق 11,628 مشاهدة

شاركي في النقاش

سجلي الدخول لإضافة تعليق.

التعليقات

42
  1. طيب خلاص انتي الحين طلعتي برضاك وطلبتي الطلاق مافي حل انتي انهيتي كل شي ..كان من المفترض تجلسين ببيتك وتحافظين عليه مو تنولينها اللي تبيه وهو طلعتك من البيت وثاتي شي دام عندك رسايل قذف منها ابواب المحاكم مفتوحه اشتكيها دامك الرجال وخلاص بتتطلقين منه ولاتبينه
  2. @alamal11

    صاحبة الموضوع
    •°جورجيو ارماني°•
    طيب خلاص انتي الحين طلعتي برضاك وطلبتي الطلاق مافي حل انتي انهيتي كل شي ..كان من المفترض تجلسين ببيتك وتحافظين عليه مو تنولينها اللي تبيه وهو طلعتك من البيت وثاتي شي دام عندك رسايل قذف منها ابواب المحاكم مفتوحه اشتكيها دامك الرجال وخلاص بت…
    فعلا مو رجال عشان كذا ماعليه حسوفه وللأسف ما عندي رسالتها انمسحت لما غيرت الجوال ونسيت مااصور الشاشه وهذا الكلام قبل سنه الرساله لكن لازالت مستمره بتشويه سمعتي هالشيطان اخبث من السليمه
    الآن انا خايفه على بنتي منها تفرّق بينها وبين ابوها وتحرّض ابوها طبعا بنتي الان بحضانتي
  3. @aabyr_alghny1

    المفروض ماطلعتي من بيتك وتدلعتي انتي وبنتك .. والاهم من ذالك ان زوجك مايسمع كلامها بالقذف والطعن وواثق فيك ..


    لو تقدرين ارجعي لزوجك وعيشي حياتك وخليها تولع حرررريقه من القهر وكوني اسره وكبري عائلتك وجيبي اخوان لبنتك ..


    لا تعطينها الي تبغى وتحطمين بنتك بالتشتت عشان لسان وحده ..
    زوجك قولي له الحمدلله انك معي وانا عارفه انك ماتبي تضغط على الاولى وهي تعبانه .. اتركها لله وربي ينتقم منها ..
    نصيحه .. اذا فيه امل ترجعين ارجعي وخليهااا تحترق 😃
  4. @shadn_35_1

    لا حول ولاقوة الا بالله
    وهذا وهي مريضة تسوي كذا مفروض تدعي الله بالعافية
    وليه هذا كله عشان رجال معلقه نفسها فيه تخسر دنيا وآخرة
    ومن حقه يتزوج
    لكن فعلا زوجك لو فيه ذرة رجوله كان وقفها عند حدها
    ولاتجرأت لكن هي متشجعه لأنها تعرفه انه ضعيف شخصية
    ولا تخافين على بنتك عليك بالدعاء وربي راح ينصرك عليها
    خذي نفقتها من المحكمة
    اهم شي انها في حضانتك
    اما انه يزورها او لا! او يهتم فيها او لا!
    لا تشغلين راسك بالأمور ذي
    لان مثله متوقع منه كل شي
    الله يغنيك انتي وبنتك عنه يارب
    ويعوضك بالأفضل

تابعي تجارب أخرى من هذا القسم.